Rýhanııat • 06 Maýsym, 2019

Qaraǵandy oblysynda «Uly Dala Murasy» atty halyqaralyq festıval ótedi

1102 ret

kórsetildi

1 mın

oqý úshin

Jezqazǵan óńirinde 11-13 maýsym kúnderi «Uly Dala Murasy» atty halyqaralyq festıvali ótedi. Elbasynyń «Qoǵamdyq sanany jańǵyrtý» jáne «Uly dalanyń jeti qyry» baǵdarlamalyq maqalalary aıasynda uıymdastyrylǵaly otyrǵan bul aıtýly sharaǵa otandyq jáne sheteldik murajaılar men muraǵattardyń ókilderi qatysady. Atap aıtqanda, festıvalge Túrkııa, Mysyr, Qytaı, Reseı, О́zbekstan jáne Mońǵolııadan delegattar kelmekshi.

Qaırat Ábilda

Qaraǵandy oblysynda «Uly Dala Murasy» atty halyqaralyq festıval ótedi

Tarıhı-mádenı murany saqtaý jáne dáripteýdi, qazaq halqynyń tarıhyn zertteýdi maqsat etken sharaǵa Qaraǵandy oblysynyń ákimdigi jáne Qaraǵandy oblysynyń mádenıet, muraǵattar jáne qujattama basqarmasy muryndyq bolyp otyr.

Festıval baǵdarlamasy aıasynda «Tarıhta óz esimińdi qaldyr» aksııasy, sheberlik dáristeri, murajaı qyzmetkerlerine arnalǵan semınar-trenıngter, Ulytaýdyń qasıetti jerlerine ekskýrsııalar uıymdastyrylady dep josparlanǵan.

«Uly Dala Murasy» halyqaralyq festıvaliniń ashylý saltanaty 11 maýsym kúni saǵat 10.00-de Jezqazǵan tarıhı-arheologııalyq murajaıynyń alańynda (Alashahan kóshesi, 22) ótedi.