Keshe, Kongrestiń alǵashqy kúninde arterııalyq gıpertonııa jáne kardıovaskýlıarlyq profılaktıka jónindegi mamandar qoǵamy, Qazaqstan arıtmologtar qoǵamy, Jibek joly elderi Júrek yrǵaǵy qoǵamy, Júrek-qan tamyrlary sozylmaly aýrýlar jónindegi sarapshylar qoǵamy birlesken sessııalar, satellıttik sımpozıýmdar ótkizdi.
Búgin Densaýlyq saqtaý mınıstrligi ókilderiniń, «Ulttyq medısınalyq ýnıversıtet» ǴAQ rektory T.Nurǵojınniń, Kardıologtar qaýymdastyǵy prezıdenti S.Berkinbaevtyń qatysymen Kongress saltanatty túrde ashyldy
Sondaı-aq búgin Eýropa kardıologtary qoǵamy men Júrek qyzmetiniń jetispeýshiligi jónindegi Eýropa qaýymdastyǵy men birlesken sessııa ótkizip, oǵan Vera Regıts Zagrochek, Lopatın Iýrıı Mıhaılovıch, Marıo Marzıllı qatysty. Kardıologııanyń negizgi baǵyttary boıynsha seksııalyq ǵylymı májilister men sheberlik sabaqtary ótti.
Erteń, 7 maýsym kúni kóktamyr jáne kúretamyr trombozyn, ókpe gıpertenzııasyn aldyna alý jáne emdeý taqyrybynda sessııalar ótedi.
Úsh kún boıy kardıologııalyq qyzmetti uıymdastyrý máseleleri, kúretamyr gıpertonııasyn dıagnostıkalaý, emdeý jáne aldyn alýǵa arnalǵan jańa tásildemeler, ıntervensııalyq kardıologııalar salasyndaǵy ınnovasııalar, kardıologııadaǵy hırýrgııalyq emdeý ádisteri, atap aıtqanda, Qazaqstandaǵy júrek transplantasııasy, kardıologııadaǵy komorbıdtilik máseleleri, júrek-qantamyr aýrýlaryn aldyn alý máseleleri talqylanady.
Forým jumysyna alys jáne taıaý sheteldiń (Italııa, Gollandııa, Izraıl, Reseı, Belarýs, Ýkraına) jetekshi ǵalymdary, óńirlerdegi Densaýlyq saqtaý basqarmalarynyń basshylary, bas mamandar, qanaınalym júıesi aýrýlary jáne medısınalyq bilim berý jónindegi úılestirýshiler, kardıologtar men terapevtter qatysyp otyr.
Konferensııa baǵdarlamasynda 100-den asa baıandama qamtylǵan, sonyń ishinde otandyq delegattarynyń sany 400-ge jýyq.
Forým sońynda elimizdegi kardıologııalyq qyzmetti jetildirý joldaryn belgileıtin qarar qabyldanady.
