Jarylys qaýpi bolǵandyqtan órt shyqqan jerge 3-dabyl boıynsha órt sóndirýshiler attanyp, arnaıy tehnıka men jeke quram oqıǵa bolǵan aýmaqqa 11:20-da kelip jetken.
О́rttiń oshaǵy «Mýraz» JShS AGJB aýmaǵynda ornalasqan gaz sısternasy bolǵan. Munda árqaısysynyń syıymdylyǵy 200 t.m. eki bos gaz sısternasy bolypty jáne solardyń bireýindegi gaz qaldyǵy janǵan. Al, ekinshisi salqyndatylyp, órtten oqshaýlanǵan.
Buǵan qosa AGJB aýmaǵyndaǵy syıymdylyǵy 7 t.m. 2 avtosısterna men 50 t.m. 2 avtosısterna jarylǵan.
О́rttiń betin qaıtarýǵa jalpy 21 arnaıy tehnıka men jeke quramnyń 90 qyzmetkeri jumyldyrylǵan. Shymkent qalalyq tótenshe jaǵdaılar departamentiniń baspasóz qyzmetiniń habarlaýynsha alapat órt 12:21-de tolyqtaı sóndirilgen. Oqıǵa ornynda órt sóndirýshiler men barlyq quzyrly organdar qyzmetkerleri jumys isteýde.
Joıqyn jarylys kezinde bir adam zardap shekken. Ol - nysannyń qyzmetkeri, 1999 jyly týǵan Anar Erlan Erkinbekuly. Jedel járdem qyzmeti 20 jastaǵy denesin qatty kúıik shalǵan jigitti T.Orynbaev atyndaǵy gıperbarııalyq oksıgınasııa ortalyǵyna jetkizgen.
«1999 jyly týǵan naýqas óte aýyr jaǵdaıda jetkizildi. Denesiniń 98 paıyzyn kúıik shalǵan. Qazir jansaqtaý bóliminde jatyr. Jaǵdaıy óte aýyr», deıdi ortalyqtyń bas dárigeri M.Ermahanbetova.
Shymkent
