Aımaqtar • 07 Maýsym, 2019

Aqtóbelikter lańkestik shabýylda qaza tapqan áskerı qyzmetshilerdi eske aldy

681 ret

kórsetildi

1 mın

oqý úshin

5-maýsym kúni 66/55 áskerı bóliminde 2016 jyldyń 5- maýsymda lankestik shabýylda qaza tapqan áskerı qyzmetshilerdi eske alý rásimi ótti. Qaıǵyly oqıǵany eske alý sharasyna oblys ákimi Ońdasyn Orazalın arnaıy qatysty. Sonymen qatar, jıynda quqyq qorǵaý jáne qaýipsizdik organ basshylary boldy. Aımaq basshysy lankestik shabýyldan qaza tapqan jandardyń qurmetine gúl shoqtaryn qoıyp, esimderi máńgi el esinde qalatynyn jetkizdi.

Temir QUSAIYN

Aqtóbelikter lańkestik shabýylda qaza tapqan áskerı qyzmetshilerdi eske aldy

«Beıbit kúni qylmyskerlerdiń qolynan polısııa, áskerı qyzmetkerlermen birge turǵyndar da qaza tapty. Qylmyskerlerdiń aramza oılaryn oryndaýǵa quqyq qorǵaý organdarynyń jedel sharalary múmkindik bergen joq. Halyqtyń tynyshtyǵyn qorǵaý jolynda 66/55 áskerı bóliminiń sarbazdary Maıor Danıel Maılybaev, kishi serjant Berikjan Qalıev, qatardaǵy jaýynger Dosbol Sapardyń qazalary orny tolmas ókinish. Atalǵan azamattardyń jankeshtilikpen jasaǵan áreketteri laıyqty baǵasyn alyp, táýelsiz Qazaqstannyń erlikter jylnamasynda jazylyp qaldy. Bul oqıǵa barlyǵymyz úshin úlken sabaq bolyp, qoǵamǵa engen dertpen tek memlekettik organdar ǵana emes, jalpy qoǵam bolyp kúresýimiz qajet»,-dedi oblys ákimi Ońdasyn Orazalın.