Jumysshy topqa qala ákimi Ǵ.Ábdirahymov kásipkerlik salasynda memlekettik qyzmetter kórsetip otyrǵan «Bıznes sýpermarket» pen «E-Commerce Center» elektrondy kommersııa ortalyqtarynyń jáne ákimdik ǵımaratynyń birinshi qabatynan ashylǵan «Ashyq ákimdik» ortalyǵynyń jumysymen tanystyrdy.
Ákim tanystyrý barysynda atalǵan ortalyqtar arqyly memlekettik qyzmet salasyn ýaqyt talabyna saı jetildirip, basqarý júıesiniń tıimdiligin arttyrý kózdelgenin atap ótti.
Qyzmetterdi sıfrlandyrý - sybaılas jemqorlyq kórinisterin aldyn alýdyń negizgi kómekshisi ekenin aıtqan Agenttik Tóraǵasy ákimdik bastamalaryn qoldap, atqarylyp jatqan jumystarǵa oń baǵasyn berdi.
Sonymen qatar, qala ákiminiń orynbasary D.Jýmın jumysshy topqa eksprıment júzinde engizilgen basqarý júıesi boıynsha atqarylǵan eki aılyq jumysyn baıandady. О́z sózinde Alık Shpekbaev memlekettik qyzmetterdi alýdyń qolaıly jaǵdaıy jasalyp jatqan əkimdiktiń osynaý bastamalaryn aýqymdy jumystarǵa balap, muny sybaılas jemqorlyqtan taza qoǵamnyń eń basty qundylyqtaryna jatqyzdy. Sondaı-aq, ol Shymkenttiń eń kreatıvti qala ekenin atap ótti.
Agenttik Tóraǵasy bastaǵan jumysshy top osy kúni Shymkent qalasynyń aktıvimen kezdesti. Qala basshysy Ǵabıdolla Ábdirahymovtyń tóraǵalyǵymen ótken jıynda sybaılas jemqorlyqqa qarsy is-qımyl boıynsha elimizde júzege asyrylyp jatqan saıasat pen azamattardyń qajettiligine baǵyttalǵan memlekettik apparattyń aldaǵy perspektıvasy týraly sóz qozǵaldy.
Jıyn
barysynda Alık Shpekbaev úzdik
kompanııalarda jumys tájirıbesi bar nemese jetekshi álemdik ýnıversıtetterdiń
ǵylymı dárejesi bar joǵary bilikti azamattardy memlekettik qyzmetke qabyldaýdyń
ońtaılandyrylǵan mehanızmi engizilip jatqanyn málim etti.
Sondaı-aq, ol kadrlyq qamtamasyz etý máselelerinde jedeldikti arttyrý úshin ishki konkýrstar bir konkýrsqa biriktiriletin jáne jańa jalaqy júıesin keńeıtý boıynsha jumystar jalǵasatynyn jetkizdi.
