«Qazirgi ýaqytta áleýmettik jelilerde «QR Prezıdenti saılaýynan keıin ataýly áleýmettik kómek tóleý toqtatylady» degen alyp qashpa áńgimeler taratylýda. Bul - jalǵan aqparat», - dedi ol.
Oblys ákimi orynbasary 1 sáýirden bastap oblys boıynsha ataýly áleýmettik kómekke 40285 otbasy ótinish bergenin aıtady. Sonyń 19721 otbasynan ótinishter qabyldanyp, 20564 otbasyǵa keńester berilgen. Oblys boıynsha sáýir aıynda 16193 otbasyndaǵy 79004 adamǵa 2,1 mlrd. teńgege ataýly áleýmettik kómek berilgen eken.
Al, mamyr aıynda 6755 otbasynyń ótinishi qabyldandy. 4332 otbasyǵa ataýly áleýmettik kómek taǵaıyndalyp, olarǵa 189,4 mln.teńge tólendi.
«Bıylǵy jylǵa ataýly áleýmettik kómek kórsetýge bıýdjetten 9,6 mlrd. teńge qarajat bólindi. Qosymsha respýblıkalyq bıýdjetten 5,2 mlrd.teńgege suranys berildi», - dedi Qýanyshbek Ysqaqov.
