Ekonomıka • 11 Maýsym, 2019

Banktiń «Baǵalaýshylar kabıneti» nesıelik ótinimderdi qarastyrý merzimin qysqartty

186 ret kórsetildi

Turǵyn úı qurylys jınaq bankinde «Baǵalaýshylar kabınetiniń» iske qosylýy nesıelik ótinimderdi qarastyrý merzimin qysqartty.

Búgingi tańda turǵyn úı qurylysyn júrgizý jáne ony satyp alý maqsatynda qazaqstandyqtarǵa bólingen barlyq nesıe kóleminiń 59%-y Turǵyn úı qurylys jınaq bankine tıesili. Bank ónimderiniń úlken suranysqa ıe bolýyna baılanysty TQJB klıentterge qyzmet kórsetý ýaqytyn qysqartýdyń jańa sheshimin engizip, banktik prosessterdi avtomattandyrýda, dep habarlaıdy TQJB baspasóz qyzmeti

Solardyń biri – «Baǵalaýshylar kabıneti» arnaıy baǵdarlamasy. Búginge deıin mundaı qyzmet túri Qazaqstan men kórshi elderde bolmaǵan. «Baǵalaýshylar kabıneti» shuǵyl túrde jyljymaly múlikti baǵalaý esebin jasaýǵa jáne ony onlaın-rejımde bankke usynýǵa múmkindik beredi. Osy qosymsha iske qosylǵannan beri nesıelik ótinimdi qarastyrý merzimi aıtarlyqtaı qysqardy. Máselen, osyǵan deıin ótinimder 15 kún ishinde qarastyrylsa, endi bul prosess tek 3 kúnde júzege asyrylady.

Qazirgi sátte qosymshada 216 baǵalaýshy kompanııa bar. Buǵan deıin atalǵan servısti paıdalaný úshin bank 2 500 teńge mólsherinde komıssııa alsa, endi 2019 jyldyń 17 maýsymynan bastap bul qyzmet túrin tegin paıdalanýǵa bolady. Bul jóninde Turǵyn úı qurylys jınaq banki basqarma tóraıymy Lázzat Ibragımova Almaty qalasynda baǵalaýshy kompanııalar ókilderimen ótken kezdesý barysynda atap ótti. Ol, sondaı-aq, osy sátten bastap banktiń baǵalaýshy-seriktesteri sanynyń artatyndyǵyn, osylaısha bank klıentterine qyzmet kórsetý sapasynyń áldeqaıda jaqsaratyndyǵyn habarlady.

– Búginde Turǵyn úı qurylys jınaq banki eń iri kepilzat ıesi. Portfelimizdiń kepil baǵasy 2 trıllıon teńgeni quraıdy. Osy jyldyń alǵashqy bes aıy ishinde biz shamamen 17 000 zaım berdik. Bul – bank tarıhyndaǵy rekordtyq  kórsetkish. Sondyqtan, biz úshin turǵyn úıdi baǵalaý jumystarynyń jyldam, sapaly ári aıqyn túrde júrgizilýi óte mańyzdy. Aldaǵy ýaqytta «Baǵalaýshylar kabınetine» qalǵan seriktesterimizdiń de qosylatynyna senemiz. Qazirgi kezde Qazaqstan boıynsha 1 200 baǵalaýshy kompanııa qyzmet kórsetedi. Bárimiz birge jumys istesek, azamattarymyzǵa eń qysqa merzimde sapaly qyzmet kórsetin bolamyz, – dedi Lázzat Ibragımova.


ALMATY

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar