Qazaqstannyń Sút odaǵy otandyq balmuzdaq kompanııasynyń sapasyn kóterýge septesedi

Odaqqa qosylý eki taraptyń damý strategııasyna negizdelgen. Bir jaǵynan, Qazaqstannyń Sút odaǵynyń basym mindeti otandyq shıkizattyń jetispeýshiligin tolyqtyrý jáne otandyq ónimniń básekege qabilettiligin arttyrý bolyp tabylady. Ekinshi jaǵynan «Shın-Laın» kásiporny Qazaqstannyń balmuzdaq naryǵynyń pozısııalaryn nyǵaıtý salasynda QSO-na óz tájirıbesin usynýǵa daıyn. Budan bylaı mundaı salalyq birlestikke kompanııanyń músheligi jergilikti naryq qatysýshylary úshin úlken múmkindikter ashady. 

О́ıtkeni «Shın-Laın» kompanııasy otandyq ındýstrııany damytýda belsendi ustanymǵa umtylyp otyrǵany belgili.

– Qazaqstannyń Sút odaǵy sút ónimderiniń qazaqstandyq tutynýshylaryn qazaqstandyq óndiris ónimderin tańdaýǵa yntalandyrýǵa jáne qazaqstandyq naryqty joǵary sapaly jáne zańdy túrde shyǵarylǵan taýarlarmen tolyqtyrýǵa kúsh-jigerin jumsaıdy. Bıznesiniń 70% balmuzdaqpen baılanysty «Shın-Laın» kompanııasy bizdiń birlestigimizdiń tutas seksııasynyń negizin qalaýshy bolyp tabylady jáne óz tájirıbesin, saraptamasyn engize alady, Qazaqstandaǵy balmuzdaq óndirisiniń qaýipsizdigi men sapasyna nazar aýdara alady, – dedi Qazaqstannyń Sút odaǵy atqarýshy dırektory Vladımır Kojevnıkov.

Endigi jerde qazaqstandyq sút odaǵy men «Shın-Laın» jazǵy maýsymnyń basynda tutynýshylardyń nazaryn saýda-sattyq sharttaryna, onyń ishinde satyp alynatyn ónimderge, saqtaý merzimine, qaptamaǵa aýdarady. Sebebi kóbinese saqtaý sharttary men temperatýralyq rejım buzylýymen satylatyn oramsyz ónimderdiń sapasy ózekti bolyp tabylady. Eger sút ónimderi úshin temperatýra -6-dan -4 gradýsqa deıin qajet bolsa, onda -20 balmuzdaq jazǵy ystyqta eń qolaıly jaǵdaı bolyp tabylady. Qaptalmaǵan, germetıkalyq emes oramasy bar jáne anyq emes mátini bar ónimder, óndirýshi men quramy kórsetilmegen, quny tómendetilgen ónim – tutynýshyny eleń etkizýi tıis.

– Qaptama – kompanııa jaýapkershiligi men tehreglamentke baǵynýdyń kórinisi. Naryqtyń barlyq qatysýshylary ónimdi talaptarǵa sáıkes, ónimniń durys ataýyn, shıkizattyń quramyn tańbalaýy qajet. Qaptamadaǵy shıkizat quramy mazmundy tolyq ashyp, durys termınderdi, Keden odaǵy elderiniń tilderin, mátindi basýda jaqsy baspa sapasyn paıdalanýy tıis, munyń barlyǵy tutynýshyǵa durys tańdaý jasaýǵa septesedi, – dedi Vladımır Kojevnıkov.

«Shın-Laın» kompanııasy sondaı-aq Reseıdiń Balmuzdaqshylar Odaǵyna kirgeni týraly málimdedi. Osyǵan baılanysty búgingi kúni otandyq kompanııanyń reseılik Odaqqa kirýdegi artyqshylyqtarynyń biri kórshi el naryǵyn ıgerý bolyp tabylady. Budan bylaı qazaqstandyq ókildik reseılik konferensııalarda, kórmelerde, semınarlarda estilip, kórinis tabady.  

ALMATY