О́ńirdiń jańa basshysyn oblys aktıviniń aldynda QR Prezıdenti Ákimshiliginiń Basshysy Baqytjan Saǵyntaev tanystyrdy.
Ǵalı Esqalıev – 1970 jyly týǵan, bilimi joǵary. Batys Qazaqstan agrarlyq ýnıversıtetin «ekonomıka», Halyqaralyq bıznes akademııasyn «menedjment» mamandyqtary boıynsha bitirgen.
Ár jyldary «BankTuranÁlem» AQ Oral qalasyndaǵy fılıalynda maman, bólim basshysy, «Temirbank» AQ fılıalynyń dırektory, BQO kásipkerlikti qoldaý jáne damý departamentiniń dırektory, «Qazaqstan damý banki» AQ atqarýshy dırektory, vıse-prezıdenti, basqarma tóraǵasy, Jambyl jáne Aqtóbe oblystary ákiminiń orynbasary, Astana qalasy ákimdigi qalalyq ortany regenerasııalaý basqarmasynyń basshysy qyzmetin atqarǵan. 2019 jyldyń 18 qańtarynan beri Batys Qazaqstan oblysy ákiminiń birinshi orynbasary bolyp qyzmet etti.
Aıta keteıik, búginge deıin Batys Qazaqstan oblysynyń ákim bolyp kelgen Altaı Kólginov Qazaqstan Respýblıkasy Prezıdenti Qasym-Jomart Toqaevtyń jarlyǵymen Nur-Sultan qalasynyń ákimi bolyp taǵaıyndalǵan bolatyn.
Taǵy bir aıta keterlik jáıt, Ǵalı Esqalıevtiń ákesi Esqalıev Nájimeden Yqsanuly 1986 jyldan 1993 jylǵa deıin Oral (qazirgi Batys Qazaqstan) oblysyn basqarǵan bolatyn.
Batys Qazaqstan oblysy
