Atyraýdan Qashaǵanǵa áýejaıdan № 005 áýe reısimen ushpaqshy bolyp turǵan 32 jastaǵy qazaqstandyqty shekara narıady tikushaq termınalynan ustady. Bul jigit saparǵa basqa eshnárse emes, bir qalta esirtki alyp shyǵypty. Shekarashylar onyń shalbarynyń qaltasynan 100 grammǵa jýyq «marıhýana» esirtkisin taýyp aldy. Ustalǵan azamat Atyraý áýejaıynyń jelilik polısııa bólimine tapsyryldy.
Pavlodar shekara otrıadynyń «Úrlitóbe-avto» bólimshesinde shekarashylar «Lada» jekemenshik avtokóligimen Reseıge ketip bara jatqan 25 jastaǵy qazaqstandyqty ustady. Ustaýǵa sebep bolǵan - onyń kóliginen tabylǵan 25 dana 12 kalıbrly myltyqqa arnalǵan oq-dári.
Qordaı shekara otrıadynyń «Aýqatty» bólimshesinde Qyrǵyzstannan qaıtyp kele jatqan 49 jastaǵy qazaqstandyqtyń Volvo júk kóliginen shekarashylar 3 dana, uzyndyǵy 30 sm-ǵa jýyq ańshy pyshaqtaryn taýyp alyp, Qordaı aýdandyq polısııa bólimine tapsyrdy.
