Saıasat • 21 Maýsym, 2019

Almatyda 30 jyldan keıin ashylatyn «ýaqyt kapsýlasyn» saldy

213 ret kórsetildi

Búgin Elimizdiń Tuńǵysh Prezıdenti Nursultan Nazarbaev keleshek urpaqqa arnalǵan joldaýy bar «ýaqyt kapsýlasyn» saldy, dep habarlaıdy Qazaqstan Respýblıkasy Prezıdentiniń resmı saıty.

Qazaqstannyń Tuńǵysh Prezıdenti rásimge qatysýshylar aldynda sóılegen sózinde qazaqstandyqtardyń bolashaq urpaǵy úshin bul joldaýdyń erekshe máni bar ekenin aıtty.

– Táýelsizdik jyldarynda Qazaqstannyń baǵyndyrǵan belesteri az emes. Aǵa býyn búgingi jastardyń baqytty ómir súrýi úshin bizdiń qandaı qıyn kezeńderdi bastan ótkergenimizdi jaqsy biledi. Biz elimizdiń ıgiligi úshin jumys istedik. Qazaqstandy álemge tanyttyq, – dedi Elbasy. 

Nursultan Nazarbaev qazaqstandyqtardyń qazirgi urpaǵynyń keleshek ósip-órkendeýi úshin zor múmkindikteri bar ekenin atap ótti.

– Men óz maqsatymyzǵa qol jetkizgenimiz úshin óte qýanyshtymyn. Bul kapsýla 30 jyldan keıin ashylady. Osy jyldar ishinde kóp nárse bolýy múmkin. Biraq, Qazaqstan jáne onyń azamattary óz damý jolymen ilgerileýin jalǵastyra beretin bolady, – dedi Qazaqstannyń Tuńǵysh Prezıdenti.

Sońynda Elbasy qazirgi jastardyń Qazaqstandy nyǵaıtyp, órkendetý úshin eńbek ete beretinine senim bildirdi. 


 ALMATY

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar