Saıasat • 21 Maýsym, 2019

Nursultan Nazarbaev: Táýelsizdik alǵanda qazaqtar 39 paıyz nemese 6,5 mıllıonnan sál ǵana astam boldy

436 ret kórsetildi

Búgin Qazaqstannyń Tuńǵysh Prezıdenti «Kemeńgerliktiń 30 jyly» atty halyqaralyq ǵylymı-tájirıbelik konferensııasynda elimizdiń táýelsizdik bederindegi júrip ótken jolyna sholý jasady.

Qyryq jyl boıy halyqqa qaltqysyz qyzmet etken Nursultan Nazarbaev egemendiktiń eleń-alańyndaǵy qıyn kezeńder týraly baıandady. Sonyń ishinde, Qazaqstannyń Tuńǵysh Prezıdenti toqsanynshy jyldardyń basynda elimizdegi ulttyq ekonomıkanyń qıraýyna, etnosaralyq qaqtyǵystardyń paıda bolý qaýpine baılanysty jaǵdaı jóninde aıtty.

– Qazaqstan demografııalyq quldyraý sheginde turdy. 1989 jylǵy halyq sanaǵyna sáıkes, baıyrǵy halyq – qazaqtar 39 paıyz nemese 6,5 mıllıonnan sál ǵana astam adam boldy. Sol kezeńdegi aýyr ekonomıkalyq ahýal halyqtyń Qazaqstannan kóptep kóship ketýine alyp keldi. Ol jyldary ortasha ómir súrý jasy 5 jylǵa qysqardy, týý kórsetkishi birden tómendedi, – dedi Nursultan Nazarbaev.

– Qazaqstan halqynyń sany 3,5 mıllıon adamǵa kóbeıdi. Endi, biz 18 mıllıonnan astyq, al qazaqtar sonyń 70 prosentke jýyǵyn quraıdy.

Kezinde shetelge ketýge májbúr bolǵan 1 mıllıonnan astam qazaq otanyna oraldy.

Elimizdegi ortasha ómir súrý uzaqtyǵy 1991 jylǵy 67 jastan 2018 jyly 73 jasqa deıin artty.

Bir adamǵa arnalǵan turǵyn úı alańy 1,5 ese – 14 sharshy metrden 22 sharshy metrge deıin ósti.

219 jańa aýrýhana, 1200-ge jýyq emhana men ambýlatorııa salyndy.

1849 jańa mektep, 900-ge jýyq balabaqsha ashyldy.

Biz ana tilimizdi saqtap qana qoımaı, ony Qazaqstanda ǵylym men bilim salasynyń negizgi tiline aınaldyrý úshin barlyq jaǵdaıdy jasadyq. Búginde mektepterdiń 70 prosenti qazaq tilinde bilim beredi. 

Memlekettik tilde oqıtyn stýdentterdiń úlesi – 64,5, orys tilinde – 31, aǵylshyn tilinde – 4,5 prosentti quraıdy.

Bul máselelerdiń bárin eshqandaı qysymsyz, naqty ári durys sharalar arqyly sheshtik, – dedi Elbasy. 


ALMATY

Sońǵy jańalyqtar

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar