Búgin Almaty oblysy Ile aýdanynyń ortalyǵynda О́tegen batyr aýylynda «Progress» polıtehnıkalyq kolledjiniń túlekterine sertıfıkattardy tabystaýdyń saltanatty rásimi ótti. Túlekter erekshe jandar – bul eńbek naryǵynda suranysy bar mamandyqtar boıynsha bilim alǵan múmkindikteri shekteýli jandar, al keıbir mamandyqtardy – mysaly, beıne-operator, sańyraýqulaq ósirýshi syndy mamandyqtardy ózderi usynǵan-dy.
– Bizben osy qıyn joldy birge ótkergen tálimgerlerimizge, oqytýshylarymyzǵa, kúshi men ýaqytyn aıamaı, árdaıym aqyl-keńespen járdemdeske jandarǵa alǵys aıtqym keledi. Osy oqýdyń arqasynda men ıdeıalarymdy júzege asyryp, ózimdi laıyqty qamtamasyz etýge múmkindik beretin jańa shyǵarmashylyq mamandyqty ıgerdim, – dedi kolledj túlegi, tigin buıymdaryn tigý isiniń sheberi Elena Mıgerova.
Almaty oblysynyń Ile aýdanynda 4 500-den astam múgedek turady. Qazirgi tańda múgedekter jumyspen is júzinde qamtamasyz etilmegen, olardyń jalǵyz tabysy memlekettik áleýmettik qamsyzdandyrý bolyp tabylady.
Erekshe qajettilikteri bar stýdentterdi «Progress» polıtehnıkalyq kolledjinde oqytý toǵyz jyl boıy jalǵasyp keledi. Osy jyldar ishinde 270-ten astam adam tiginshi, shashtaraz, sańyraýqulaq ósirýshi, naýbaıshy, manıkıýr mamany, aıaq kıim jóndeý mamany, massajıst mamandyqtary boıynsha sertıfıkat alǵan, al 2016 jyldan bastap kompıýterlik saýattylyq boıynsha oqytý júrgizilýde. Sondaı-aq, stýdentter kásipkerlik negizderine úırenedi, óz bıznesin ashý nemese tabysty jumysqa ornalasý úshin qajetti daǵdylardy ıgeredi, al eń bastysy – áleýmettik beıimdelý múmkindigine ıe bolady.
– Men túlekterdi kópten kútken oqıǵa – sertıfıkattardy alý sátimen shyn júrekten quttyqtaı otyryp, aldymen alǵysymyzdy bizge kóptegen jyldar boıy qarjylyq qoldaý kórsetip kele jatqan «Fılıp Morrıs Qazaqstan» kompanııasyna aıtqym keledi. Men, FMQ-men birlese otyryp, aýyldyq jerdegi erekshe adamdardyń ómirlerin jaqsartýǵa baǵyttalǵan áleýmettik jobanyń iske asyrylýyn ári qaraı jalǵastyra túsemiz dep úmittenemin, – deıdi «Progress» kolledjiniń dırektory Janna Telpekbaeva.
Búgingi tańda 75 túlek jumysqa ornalastyrylǵan, olar estý qabileti nasharlaǵandarǵa arnalǵan «Almaty» óndiristik birlestiginde, kıim men arnaıy kıimdi tigý boıynsha kompanııalarda, ońtústik elordanyń saýda oıyn-saýyq ortalyqtaryndaǵy kıim men aıaq kıim jóndeý sheberhanalarynda eńbek etýde. On sheber «Progress» kolledji janyndaǵy tigin sheberhanasyna qyzmetke ornalastyrylǵan. Kóptegen bitirýshiler úı jaǵdaıynda satý úshin aspa sańyraýqulaqtardy ósiredi; jeke tapsyrystardy oryndaı otyra, úıde nan-toqash ónimderin pisiredi, sondaı-aq, ózderiniń ónimderin Fılıp Morrıs Qazaqstan fabrıkasynda arnaıy uıymdastyrylatyn jármeńkelerde satady.
«Fılıp Morrıs Qazaqstan» kompanııasy «Progress» polıtehnıkalyq kolledjimen yntymaqtastyqty 2010 jyly erekshe kútimdi qajet etetin adamdardy áleýmettik beıimdeý boıynsha birlesken jobany iske asyrý arqyly bastaǵan. Joba aıasynda II jáne III múgedektik toptardaǵy adamdar tehnıkalyq mamandyqty tegin ala alady. Bul rette kásibı daıarlaý eńbek naryǵynda suranysy bar mamandyqtar boıynsha júrgiziledi.
«Fılıp Morrıs Qazaqstan» kompanııasy osy jobany iske asyrýǵa 40 mıllıonnan astam teńge bólgen bolatyn. Qarajat qajetti materıaldar men quraldardy satyp alýǵa, oqý dárishanalarynyń qosymsha jıyntyqtaryna, oqytýshylar jalaqysyna, oqýlyqtar men stýdentterdi oqytýǵa arnalǵan oqý quraldaryna baǵyttaldy. Joba qoǵamnyń damýyna eleýli úlesi úshin 2018 jyly Amerıka Saýda Palatasynyń júldesine ıe boldy.
Aǵymdaǵy jyldyń ekinshi jartysynda kolledj jańa topty oqýǵa qabyldaıdy. Bilim berý mekemesi men bıznes arasyndaǵy áleýmettik áriptestik múmkindikteri shekteýli adamdar úshin tegin bilim berýdiń, sondaı-aq olardyń jumyspen qamtylýlaryna járdemdesýdiń ıgilikti maqsaty úshin jalǵasatyn bolady.
ALMATY
