Syrttan qarjy tartý qarqyny údedi

О́tken jumada Úkimettiń baspasóz alańynda ótken jıynda Syrtqy ister mınıstriniń orynbasary Ermek Kósherbaev osy baǵytta atqarylǵan jumystarmen tanystyrdy.

− Búginde Qazaqstan tartylǵan tikeleı sheteldik ınvestısııa kólemi boıynsha Ortalyq Azııada kósh bas­tap otyr. Táýelsizdik jyldarynda el ekonomıkasyna 320 mlrd AQSh dollarynan astam tikeleı sheteldik ınvestısııa tartyldy. 2018 jyly ınvestısııanyń jalpy aǵyny ótken jylmen salystyrǵanda 15,8 paıyzǵa ósip, 24,3 mlrd AQSh dollaryn qu­ra­dy, – dedi mınıstrdiń orynbasary.

Osy rette ol ınvestısııa tartý jańa jumys oryndaryn quryp, qazaqstandyq kadrlardyń áleýetin arttyratynyn, ınnovasııalyq teh­no­logııalardyń transfertine túrtki bolatynyn, memleket bıýdjetine salyq túsimderin ulǵaıtatynyn basa aıtty. Sonymen qatar ınvestısııa tartýdyń jańa júıesiniń buǵan de­ıin qoldanysta bolǵan júıeden aıyr­mashylyǵyna keńinen toqtaldy.

− Birinshiden, biz sheteldegi mekemelermen ózara is-qımyldy kúsheıtip, ınvestısııa tartýdyń negizgi quraldarynyń biri retinde atalǵan ınfraqurylymdardy paıdalanamyz. Iаǵnı, bizdiń tolyqtaı alǵanda shetelde 93 mıssııamyz bar. Olardyń barlyǵy da jańa ınvestısııa tartýmen jáne eksporttyq saıasatty úılestirýmen belsendi jumys júrgizip jatyr. Biz sheteldik mekeme-ortalyq-óńir formatynda úsh deńgeıli júıe qurdyq. Bul barlyq deńgeıdegi árbir ınves­tormen jáne jobamen naqty jumys isteýge múmkindik beredi. Mundaı tetik óńirlerdiń jobalary úshin sheteldik mekemelerge áleýetti ınvestor izdeýge jáne kerisinshe tikeleı tasymaldaýǵa múmkindik beredi, – dedi E.Kósherbaev.

Belgili bolǵandaı, áleýetti ınvestor elderdi qamtý geografııasy keńeıedi. Bul rette Qazaqstan ekono­mı­kasynyń basym sektoryna ınvestı­sııa tartý úshin 40-qa jýyq ınvestısııa quıýǵa daıyn el aıqyndalǵan. Bul rette aldyńǵy qatar­ly elderge, ásirese AQSh, Germa­nııa jáne Japo­nııaǵa basa nazar aýda­rylady. Úshin­shiden, ınvestısııa­lyq sharalar uıym­dastyrylmaq. Máselen, jyl ba­synan beri 17 ınvestısııalyq shara uıym­­das­tyrylyp, birqatar ma­ńyz­dy str­ategııalyq qujatqa qol qo­ıyl­ǵan. Búginde elimizde atqarylyp jatqan jumystardyń basty maqsaty – ınvestorlardy el ekonomıkasynyń mańyzdy sektorlaryna tartý.

− Iri jobalardy iske asyrýǵa eleýli qorlary bar basym salalar anyqtaldy. Bul – azyq-túlik óner­kásibi, agrohımııa, aýyl sharýa­­shylyǵy mashınasyn jasaý, gaz hımııa­sy, aqparattyq-kommýnı­kasııa­lyq tehnologııalar, taý-ken metal­lýrgııa kesheni. Qazirgi tańda «Kazakh Invest» ulttyq kompanııasymen birlesip atalǵan salalarda jobalardy pysyqtap jatyr, – dedi E.Kósherbaev.