Iordanııa Koroli II Abdalla Qazaqstannyń damýy men gúldenýine, Qasym-Jomart Toqaevtyń jumysy tabysty bolýyna tilektestik bildirdi.
«Iordanııa halqy bizdiń elderimizdiń arasyndaǵy dostyq ózara qatynastardy, ekijaqty yntymaqtastyqty odan ári nyǵaıtýǵa múddeli», delingen Iordanııa Koroliniń quttyqtaý hatynda.
Marokko Koroli VI Muhammed Qazaqstan Prezıdentine joldaǵan quttyqtaýynda jemisti yntymaqtastyqta bolýǵa daıyn ekenin jetkizdi.
«Bizdiń elderimizdiń arasyndaǵy erekshe dostyq ózara qatynastardy nyǵaıtý jolynda О́zińizben birge jumys isteýge ázirmin», dep jazdy Marokko bıleýshisi.
Venesýela Respýblıkasynyń Prezıdenti Nıkolas Madýro Memleket basshysyn quttyqtap, Qazaqstan halqyna zor jetistikter tiledi.
«Qazaqstan Respýblıkasyna órleý men baq-bereke tileımin. Men bizdiń dostyq negizdegi ári ózara syılastyqtaǵy qatynastarymyzdy nyǵaıtýǵa nıettimin», delingen jedelhatta.
Izraıl Prezıdenti Reýven Rıvlın óziniń quttyqtaýynda Qasym-Jomart Toqaevty óz eline resmı saparmen kelýge shaqyrdy.
«Sizdiń prezıdenttik kezińizde Qazaqstan men Izraıl arasyndaǵy dostyq jáne iskerlik baılanystar odan ári nyǵaıa túsetinine senimdimin», dep atap ótken Izraıl Prezıdenti.
Ispanııa Úkimetiniń tóraǵasy Pedro Sanches Qasym-Jomart Toqaevty quttyqtap, ekijaqty áriptestiktiń joǵary deńgeıin aıtqan.
«Meniń Úkimetim halyqtarymyzdyń ıgiligi úshin elderimiz arasyndaǵy yntymaqtastyqty nyǵaıtyp, tereńdetý jumystaryn jalǵastyrady», dep jazǵan Pedro Sanches.
Andorranyń Premer-mınıstri Haver Espot Zamora Qasym-Jomart Toqaevqa tabys tilep, yntymaqtastyqty damytýǵa daıyn ekenin bildirdi.
«Sońǵy jyldary damýdyń jańa deńgeıine kóterilgen halyqtarymyz arasyndaǵy ekijaqty qarym-qatynastardy tereńdetý maqsatynda ózara tıimdi ekijaqty yntymaqtastyqty nyǵaıtýǵa múddeli ekenimizdi rastaımyn, – delingen Haver Espot Zamoranyń jedelhatynda.
Sonymen qatar Qasym-Jomart Toqaevtyń atyna óz quttyqtaýlaryn KARIKOM Bas hatshysy Irvın La Rok, Halyqaralyq saýda ortalyǵynyń atqarýshy dırektory Arancha Gonzales, Ortalyq Azııadaǵy Eýropalyq odaqtyń arnaıy ókili Petr Býrıan, Kýbanyń Memlekettik keńesiniń jáne Mınıstrler keńesiniń tóraǵasy Mıgel Dıas-Kanel Bermýdes, Kanadanyń General-gýbernatory Jıýlı Paıett, Bahreın Koroldiginiń taq murageri-Premer-mınıstrdiń birinshi orynbasary Salman bın Hamad ál Halıfa, Rýmynııa Depýtattar palatasynyń tóraǵasy Ion-Marsel Cholaký, Úndistannyń burynǵy vıse-prezıdenti Mohammad Hamıd Ansarı, Kanada Parlamentiniń senatory, Kanada-Qazaqstan parlamentaralyq dostyq tobynyń teń tóraǵasy Djozef Deı, Portýgalııa Respýblıkasy Assambleıasynyń depýtaty Jýao Barrozý Sýaresh, Úndistan Parlamentiniń múshesi Shashı Tarýr, Portýgalııadaǵy Maıa qalasynyń Qalalyq keńesiniń tóraǵasy Antonıý Bragansa Fernandesh joldady.
