– Jazǵy demalys bastalmaı turyp, biz balalardyń jaraqattanyp, qaıǵyly oqıǵalarǵa urynyp jatqanyn estýdemiz. Barlyq attraksıondardyń qaýipsizdigin muqııat tekserýdi tapsyramyn. Ashyq turǵan qudyqtardy taýyp, olardy jabý kerek. Sondaı-aq, qurylys jáne basqa da alańdardyń barlyq qorshaýlaryn tekserý qajet, – dedi oblys ákimi.
Oblys basshysy tekserý qorytyndysyn jaqyn arada ózine jeke baıandaýdy tapsyrdy.
Eske salsaq, osy jyldyń 25 mamyrynda Qaraǵandydaǵy ortalyq saıabaqta qatty jel balalar oınaıtyn batýtty tóńkerip tastap, sonyń saldarynan 11 jasar bala sol jerde qaıtys boldy.
Odan keıin, naqtyraq aıtsaq, 11 maýsym kúni kenshiler astanasyndaǵy saýda úıleriniń birindegi oıyn alańqaıynda 7 jasar bala átkenshekten qulap, kóz jumǵan bolatyn.
