Aıtýly jarysty qabyldaýǵa alǵashynda álemniń ár qıyrynda ornalasqan 22 qala nıet bildirgen edi. Alaıda ýaqyt oza olardyń basym bóligi túrli sebepterge baılanysty óz raılarynan qaıtty. Aqyrynda basty tartys joǵaryda atalǵan Italııanyń qos shahary jáne Shvesııanyń Stokgolm men Oresi arasynda órbidi.
Kúni keshe Lozannada ótken Halyqaralyq Olımpıada komıtetiniń (HOK) jıynynda tórtjyldyqtyń basty jarysynyń jalaýy 2026 jyldyń 6-22 aqpan aralyǵynda Apennın túbeginde jelbireıtini belgili boldy.
Osy kúnge deıin Italııanyń qysqy oıyndardy eki márte qabyldaǵany belgili. Atap aıtsaq, 1956 jylǵy doda Kortına-d'Ampessoda ótse, 2006 jylǵy jarys Týrınde uıymdastyryldy. Sondaı-aq, 1960 jyly Rımde jazǵy Olımpııa oıyndarynyń alaýy tutandy.
