Asqar Jumaǵalıev 2018 jyly Astana Hub halyqaralyq tehnoparki ashylǵan sátten beri AT-startaptarǵa jalpy kólemi 29 mlrd teńgege jýyq ınvestısııa tartylǵanyn jetkizdi.
Astana Hub tehnoparkindegi jumys kóleminiń artýy baǵdarlamalardyń ınvestısııalyq tartymdylyǵy men joǵary qyzyǵýshylyqqa ıe ekenin dáleldeıdi. Búgingi kúni tehnopark 100%-ǵa tolyq, 260-tan astam joba, ıaǵnı 1000-nan astam adam ınkýbasııa jáne akselerasııa baǵdarlamalarynan ótken.
Startaptardy ári qaraı zertteý jáne bilim berý jaǵynan qoldaý kórsetý úshin tehnoparkte CISCO, IBM, Huawei, Intellisense sııaqty kompanııalardyń 16 R&D-ortalyq ashyldy. Bul ortalyqtarda keńes berý, tehnıkalyq saraptama júrgizý, arnaıy jabdyqtar men baǵdarlamalyq qamtamasyz etýler qoljetimdi. Jańashyl qyzmetkerler úshin turaqty negizde bilim berý is-sharalary ótkizilip turady. Uıymdastyrylǵan 122 kezdesýge 2500-ge jýyq tyńdaýshy qatysqan.
Elimizde iske asyrylyp jatqan ınnovasııalyq ekojúıeniń mańyzdy damý quraýyshy - venchýrlyq qarjylandyrý týraly zań. Onda venchýrlyq qorlardy memleketpen birlesip qarjylandyrý arqyly qoldaý kórsetý kózdelgen. Osy zań aıasynda «QazAngels» bıznes klýby men jaqynda eki venchýrlyq qordy iske qosýdy josparlap otyrǵan «QazTechVentures» sııaqty qoldaý ınstıtýtyn qurýǵa múmkindik berdi. Bul rette bul ınvestısııalar búgingi kúni «Astana» halyqaralyq qarjy ortalyǵynyń ıýrısdıksııasynda rásimdele alady jáne táýekeldik ınvestısııalar salasy úshin «altyn» standart bolyp tabylatyn aǵylshyn quqyǵy prınsıpterimen rettele alady.
Sıfrlyq damý, ınnovasııalar jáne aeroǵarysh ónerkásibi mınıstri búgingi tańda jergilikti bıliktiń qoldaýymen elimizdiń aımaqtarynda AT-habtar ashylyp jatqanyn aıtty.
«Elordadaǵy ekojúıeniń damý dınamıkasyn eskere otyryp, biz Qazaqstan óńirlerine startaptarmen jumys tájirıbesin jetkizý úshin jumystar atqarýdy josparlap otyrmyz», — dedi A. Jumaǵalıev.
Astana Hub Halyqaralyq tehnologııalyq parkiniń bas dırektory Djozef Sıgler Astana Hub ashylǵan sátten beri start-up ekojúıeler salýda belgili bir tabysqa qol jetkizilgenin atap ótti. О́tken jyly Astana Hub bazasynda 500-den astam is-shara ótkizilgen, olarǵa 20 000 adam kelgen elimizdegi №1 AT-ortalyq boldy.
О́z kezeginde, Pavlodar oblysynyń ákimi B. Baqaýov óńirlik ınnovasııalyq júıeni damytý týraly aıtyp berdi. Oblysta AT saladaǵy ekojúıeni qurýdyń qolaıly jaǵdaılary jasalǵan. S. Toraıǵyrov atyndaǵy Pavlodar memlekettik ýnıversıtetiniń Halyqaralyq Startap Akademııasy, Pavlodar óńirlik ǵylymı-tehnologııalyq ortalyǵy, AT ortalyq jáne Jastar bastamalaryn damytý ortalyǵynyń robotty tehnıka kabıneti, S. Toraıǵyrov atyndaǵy Pavlodar memlekettik ýnıversıtetiniń AT Hub sekildi bilim berý alańdarynda kásipkerlik negizderine oqyǵan jas startapshylar óńirdiń ınnovasııalyq belsendiligin arttyrýǵa óz úlesterin qosýda.
