Sol keshte sharshy alańǵa shyǵatyn jerlesterimizdiń túgelge jýyǵynyń qarsylastary anyqtaldy. Jasyratyny joq, olardyń arasynda alymdylar men qarymdylar da jáne esimi kópshilikke beımálim boksshylar da bar. Al qazaqstandyq sport súıer qaýymdy erekshe qýantyp otyr jaıt – Dennı Ýılıamstiń Almatyǵa keletindigi.
Iá, 45 jastaǵy Ulybrıtanııa ókiliniń baǵyndyrǵan belesteri jeterlik. Osydan dál 15 jyl buryn, ıaǵnı 2004 jyldyń 1 shildesinde ol dańqy jer jarǵan Maık Taısonda tórtinshi raýndta uryp jyǵyp, aıdy aspanǵa bir-aq shyǵarǵany áli de san mıllıon jankúıerdiń esinde. Al 2005 jyldyń 1 jeltoqsanynda Sıdneı Olımpıadasynyń jeńimpazy, óziniń otandasy Odlı Harıssondy jeńdi.
Kásipqoı rıngte Dennı Ýılıams barlyǵy 79 kezdesý ótkizip, 52 ret jeńis toıyn toılady. 39 básekede aıqyn basymdyq tanytty. Almatydaǵy boks keshinde Ulybrıtanııa sportshysy 34 jastaǵy qazaqstandyq bylǵary qolǵap sheberi Rýslan Myrsataevpen kúsh synasady.
