Oblys ortalyǵynda gýmanıtarlyq kómekti qabyldaý pýnkti shamamen bir aı kóleminde tańǵy saǵat 09:00-den keshki 21:00 aralyǵynda jumys istemek. Qoldaý aksııasyn uıymdastyrýshylar Almaty oblysynyń atynan Arys qalasyna úlken kerýen baratynyn málimdedi. Qazir zardap shekken arystyqtarǵa beretin eń qajetti zattardyń tizimi daıyndalǵan. Olardyń qatarynda konserviler, dándi daqyldar, makaron ónimderi, mıneraldy sý jáne balalarǵa arnalǵan kıimder men kórpe, jastyqtar bar.
Sondaı-aq, jetisýlyq memlekettik qyzmetshiler bas bolyp, bir kúndik eńbekaqylaryn qoǵamdyq qorǵa aýdarý bastaldy. Al Almaty oblysynyń ákimdigi Arys qalasynan 150 balany Jetisýdiń emdeý-saýyqtyrý oryndarynda tegin dem alýǵa shaqyratynyn málimdedi
Erteń gýmanıtarlyq kómek tıelgen avtokerýenniń alǵashqy legi jolǵa shyqpaq.
