Qazaqstan Respýblıkasy Prezıdentiniń buqaralyq aqparat quraldary salasyndaǵy syılyqtaryn berý, granttaryn tapsyrý jáne Alǵysyn jarııalaý týraly
1. Eldiń áleýmettik-ekonomıkalyq jáne qoǵamdyq-saıası damýyn aqparattyq turǵydan qamtamasyz etý isindegi buqaralyq aqparat quraldarynyń eleýli rólin eskere otyryp, Qazaqstan Respýblıkasy Prezıdentiniń buqaralyq aqparat quraldary salasyndaǵy syılyqtaryn berý, granttaryn tapsyrý jáne Alǵysyn jarııalaý jónindegi qoǵamdyq komıssııanyń usynymyn qaraı kelip:
Qazaqstan Respýblıkasy Prezıdentiniń buqaralyq aqparat quraldary salasyndaǵy syılyqtary:
Áshimjan Janarbek Sadyqanulyna – «Ana tili» respýblıkalyq gazetiniń bas redaktoryna, qazaqtildi buqaralyq aqparat quraldary baspasózin damytýǵa qosqan eleýli úlesi úshin;
Jaqsylyqova Jaına Slambekqyzyna – «Astana» respýblıkalyq telearnasynyń taldaýshy-redaktoryna, otandyq telejýrnalıstıkanyń damýyna qosqan úlesi úshin;
Qorǵasbek Júsipbek Nuraqynulyna – «Jas órken» JShS bas dırektoryna, Qazaqstan jýrnalıstıkasynyń jáne ulttyq buqaralyq aqparattyq quraldarynyń damýyna sińirgen eńbegi úshin;
Kııanısa Vıktor Vıtalevıchke – «Komsomolskaıa pravda – Kazahstan» gazetiniń bas redaktoryna, Memleket basshysynyń qyzmetin belsendi jan-jaqty túsindirip, jarııalap-kórsetkeni úshin berilsin;
Qazaqstan Respýblıkasy Prezıdentiniń buqaralyq aqparat quraldary salasyndaǵy granttary:
Sartbaeva Ásem Bahytqyzyna – «Qazaqstan» teleradıokompanııasy Mańǵystaý oblystyq fılıalynyń shef-redaktoryna, Qazaqstannyń óńirlik saıasatyn tıimdi aqparattyq súıemeldeýge qosqan úlesi úshin;
Sársenǵalıev Nartaı Aralbaıulyna – «Qazaqstan» ulttyq telearnasy «Másele» taldamalyq baǵdarlamasynyń júrgizýshisine, Qazaqstan damýynyń ózekti máselelerin jaryqqa shyǵarǵan aqparattyq-saraptamalyq qyzmeti úshin;
Myńbaev Raýan Eruzaqulyna – «Habar 24» respýblıkalyq telearnasynyń tilshisine, qazaqstandyq televızııanyń damýyna qosqan úlesi úshin tapsyrylsyn;
Qazaqstan Respýblıkasy Prezıdentiniń buqaralyq aqparat quraldary salasyndaǵy Alǵysy:
«Egemen Qazaqstan» respýblıkalyq gazetiniń shyǵarmashylyq ujymyna elimizdiń buqaralyq aqparat quraldary salasynyń damýyna qosqan eleýli úlesi úshin;
Jambyl oblystyq «Znamıa Trýda» gazetiniń shyǵarmashylyq ujymyna óńirlik jýrnalıstıkanyń damýyna qosqan úlesi úshin;
«Shalqar» ulttyq radıosynyń shyǵarmashylyq ujymyna otandyq radıonyń damýyna qosqan úlesi úshin;
«Ekspress K» respýblıkalyq gazetiniń shyǵarmashylyq ujymyna qoǵamdyq-saıası, áleýmettik-ekonomıkalyq jáne mádenı-gýmanıtarlyq salanyń damýyn aqparattyq jaryqqa shyǵarýǵa qosqan aıryqsha úlesi úshin jarııalansyn.
2. Osy ókim buqaralyq aqparat quraldarynda jarııalansyn.
Qazaqstan Respýblıkasynyń Prezıdenti Q.Toqaev
Nur-Sultan, Aqorda, 2019 jylǵy 26 maýsym № 8
