Rýhanııat • 02 Shilde, 2019

Eýrazııa festıvali: kıno áleminiń mereıli sáti

237 ret kórsetildi

Jyl saıyn elordalyq kınosúıer qaýym men qala qonaqtary asyǵa kútetin halyqaralyq Eýrazııa kınofestıvali shymyldyq túrdi. Bas qala tórindegi «Qazaqstan» ortalyq konsert zalynda ótken festıvaldyń ashylý saltanaty otandyq kınogerler men álemdik ekran juldyzdarynyń basyn bir sahnada toǵystyrdy.

Elorda kúni qarsańynda bas shahar tórin jyl saıyn dýmanǵa bólep kele jatqan aıtýly kıno merekesi bıyl HV márte uıymdastyrylyp, mereıtoılyq qonaqtaryn qar­sy aldy. Mádenıet já­ne sport mınıstrliginiń qol­daýy­men uıymdastyrylǵan fes­tıvaldyń ashylý saltanatyna AQSh, Eýropa men Azııadan kelgen kınoprodıýserler, rejısserler men akterler qatysty. Dástúrli qyzyl kilemde jınalǵan qa­ýym dý qol shapalaqpen óner meı­ramynyń qurmetti qonaqtaryna qoshemet kórsetti. Juldyzdar sherýin ataqty túrik akteri Býrak Ozchı­vıt, reseılik Dmıtrıı Dıýjev, Natalıa Antonova, Anton Ma­karskıı bastaǵan kınogerler bastap júrse, saltanatty kóshti odan ári KSRO halyq ártisi Asanáli Áshimov, Qazaqstannyń halyq ártisi Talǵat Temenov, Merýert О́tekesheva, Janna Qýanysheva, Erik Joljaqsynov, Rústem Ábdirash, Erbolat To­ǵy­zaqov, Jan Baıjanbaev, San­jar Mádıev, Ásel Saǵatova, Qarlyǵash Muhamedjanova, Dınara Baqtybaeva, Danııar Áshimov, Quralaı Anarbekova, Asylhan Tólepov syndy otan­dyq kınoóneriniń eńbek sińirgen maı­tal­mandary men jas talanttary jarasymdy jalǵady.

– Bıyl biz Qazaqstan Respýb­lıkasynyń Tuńǵysh Prez­ıdenti – Elbasy Nursultan Ábish­uly Nazarbaev qol qoıǵan «Kı­ne­­matografııa týraly» Zań qa­byldanǵan sátten bas­tap alǵashqy kınofestıval ót­ki­zýdemiz. Osy mańyzdy qu­jattyń arqasynda elimizdiń kı­noındýstrııa salasy óz damýynyń ja­ńa kezeńine ótýde. Shetelderdiń úzdik tájirıbesin es­kere otyryp, biz kınematografııany damytýdyń ózindik tujyrymdamalyq kózqarasyn qalyptastyrýdamyz. Qazaqstan­da endi kınoóndiristi qoldaý, onyń básekege qabilettiligi men ınves­tısııalyq tartymdylyǵyn arttyrý úshin zańnamalyq deń­geıde jaǵdaılar jasalýda. Osy oraıda búgin ashylyp otyrǵan kınofestıval – otandyq kıno­­ın­dýstrııanyń qosymsha da­mýy­na yqpal etetin mańyzdy ká­sibı alań, – dep Mádenıet jáne sport mınıs­tri Aqtoty Raıymqulova festıvaldyń ashylý saltanatynda kınogerlerdi aıtýly óner oqıǵasymen quttyqtap, barsha qatysýshylarǵa sáttilik tiledi.

Sóıtip festıval shymyl­dyǵy rejısser Rústem Ábdirash­tyń «Qazaq handyǵy. Altyn taq» tarıhı kartınasymen tú­ri­lip, jemisti jumysyn bas­tap ta ketti. 30 maýsym men 6 shi­l­­de aralyǵynda ótetin óner do­dasynyń baǵdarlamasynda aı­tar­lyqtaı ózgeris joq. Negiz­gi konkýrsqa ádettegideı 12 to­­­­lyq­metrli, al qysqametrli fılm­­­der baıqaýyna 12 fılm (kór­­­k­emsýretti, derekti, anıma­sııalyq) qatysady. Bulardan bólek, «Obektıv», «Eýrazııa júreginen», «Erekshe oqıǵa» dep atalatyn baıqaýdan tys baǵdar­lamalar jáne bar. Sondaı-aq fes­tıval baǵdarlamasy aıasynda FIPRESSI, NETPAK tańdaýy boıynsha fılmder kórsetiledi dep kútilýde.

Uıymdastyrýshylardyń aı­­týynsha, HV halyqaralyq Eý­razııa kınofestıvali baryn­sha nátıjeli bolmaq. Oǵan baı­qaýǵa qatysýshylardyń keń geo­grafııasy jáne Eýropa men Azııadan kelgen bilikti kınogerler, sondaı-aq ulttyq kınony qol­daý memlekettik ortalyǵy sha­qyrǵan bedeldi Gollıvýd pro­dıýserleri kepil bolady deıdi mamandar. Olardyń qatarynda Lionsgate, NBC Universal, War­ner Horison, The Discovery, Glo­bal Film Solutions jáne bas­qa kom­panııalardyń beldi prodıý­serleri bar.

Al endi festıval baǵdar­lamasyna kelsek, osy jyldyń negizgi konkýrsyna Qazaqstan, Qyt­aı, Fransııa, Reseı, Make­donııa, Italııa, Fılıppın, Iz­raıl, Ýkraına, Aýstralııa jáne taǵy basqa elderdiń kar­tı­na­lary qatysady. Onyń ishinde bir ǵana «Qazaqfılm» kıno­stý­dııasynyń 12 ónimi baq syna­maq.

– Festıval tek qana mereke emes, bul da úlken syn, baıqaý, tipti jarys desek, bek jarasady. Biraq meniń jeke pikirimshe, naǵyz ónerde básekelestik degen bolmaıdy, qatysqandardyń barlyǵy – jeńimpaz. Son­dyq­tan da festıvaldyń qatysý­shylarynyń barlyǵyna sát­tilik tileımin, – dep óz qut­tyq­taý lebizin jetkizgen rejısser, XV halyqaralyq Eý­ra­zııa kınofestıvaliniń pre­zı­denti Ermek Tursynov sózin ári qaraı jalǵady: – Bıyl kınofestıvaldyń baǵdar­la­masy 7 seksııadan turady: ha­lyqaralyq baıqaý, qys­qametrli fılmder baıqaýy, «Eýrazııa júreginen», «Obek­tıv», «NETPAK tań­daýy» jáne taǵy basqa. Baıqaý baǵdarlamasyna álemniń úzdik kınokartınalary endi. Bıylǵy qysqametrli fılmder konkýrsy Eýrazııa festıvali tarıhyndaǵy eń myq­ty irikteýdiń biri bolyp otyr. Mun­daı teńdessiz je­tis­tik­ke arnaıy shaqyrylǵan meı­­ma­nymyz, fes­­tıvaldyń baǵ­dar­lamalyq dı­rek­tory Eleonora Gra­nata-Djenkınsonnyń (AQSh) ar­qasynda qol jetkizip otyrmyz, – dedi rejısser.

Kınofestıval prezıdentiniń aıtýynsha, joǵaryda toqtalyp ótken ata­lymdar negizinde je­ńim­­pazdardy anyqtaý úshin baı­qaýda qazylar alqasynyń úsh qu­ramy jumys isteıdi. Atap aıt­saq, festıvalǵa qatysýshy fılm­derdiń kór­kemdik sapasyn negizgi baıqaý, qysqa metrli jáne anımasııalyq fılmder baıqaýynyń sarapshylary jáne NETPAC táýelsiz qazylar alqasy (azııalyq kınony nasıhattaý jelisi) baǵalaıtyn bo­lady. Qorytyndy nátıje 6 shilde kúni «Qazaqstan» Or­talyq konsert zalynda ótetin fes­­tıvaldyń jabylý saltanatynda jarııa etilip, jeńimpazdar arnaıy dıplom jáne qomaqty qar­jylaı syılyqpen marapattalady.


Qatysýshylar lebizi


Festıvaldan kúterim kóp

Tamash TOT, rejısser (Vengrııa):

– Qazaqstanǵa, onyń ishinde Nur-Sultandaı kórkine kóz toıa­tyn ásem qalaǵa kelip, osyndaı keremet maǵynaly da mándi, kór­­kemdik deńgeıi joǵary festıvaldyń kýási bolyp otyrǵa­nyma óte qýanyshtymyn. Kıno áleminiń mańyzdy, qyzyqty oqıǵa­larymen, jalpy eýrazııalyq zamanaýı kınoındýstrııanyń aıaq aly­symen jan-jaqty tanysýǵa múmkindik týǵyzǵany úshin festıval uıymdastyrýshylaryna, ásirese Mádenıet jáne sport mınıstrligine zor alǵysymdy bildiremin. Men úshin fılm túsirý, kórý jáne oǵan analız jasaý (saraptaý) úlken ǵanıbet. О́ıtkeni muny kınogerlerdiń shyǵarmashylyq jumysynyń ajyramas bóligi dep esepteımin. Aldaǵy festıvaldan jaǵymdy jańalyqtar men úzdik jumystar kóremin jáne soǵan saı ádil baǵamdy beremin degen senimim mol. Endeshe, úmit aldamasyn! Barsha qatysýshylarǵa sáttilik tileımin!

 

Otanyma kelgendeımin...

Býrak О́ZChIVIT, akter (Túrkııa):

– Osyndaı tamasha festıvaldyń kýási bolyp otyrǵanyma ózimdi sheksiz baqytty sanaımyn. Qazaqstanǵa ár kelgen saıyn týǵan jerime, Otanyma kelgendeı erekshe bir sezimdi bastan keshemin. Bul – shyn sózim. Qazaq pen túrikke ortaq dúnıe kóp. Ásirese bizdiń eki eldi rýhanı hám mádenı qundylyqtarymyz, onyń ishinde kıno men teatr óneri biriktiredi. Sondyqtan bolsa kerek, Qazaqstanǵa ár kelgen saıy­n birtýǵan aǵaıyndarymyzdyń ystyq yqylasy men qonaqjaılylyǵyn sezinip, elime marqaıyp oralamyn. Bul joly da qazaq ónerinen esten ketpes tamasha estelikter arqalap qaıtamyn dep oılaımyn. Osy sátti paıdalanyp, shynaıy peıilderimen, bar yqylasymen jyly qarsy alyp, ónerime qurmet, qoshemet kórsetip jatqan jandarǵa, jankúıerlerime, festıvaldyń uıymdastyrýshylaryna sheksiz alǵysymdy bildirgim keledi. Eýrazııa kınofestıvali bolashaqta tek ónerimiz ben mádenıetimizdi ǵana emes, rýhymyzdy biriktiretin aıtýly oqıǵa alańyna aınalady dep senemin jáne bıylǵy festıvaldyń barsha qatysýshylaryna sáttilik tileımin!

Sońǵy jańalyqtar

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Qazaqstannyń eksport kólemi artty

Ekonomıka • Búgin, 09:52

Uqsas jańalyqtar