Máselen, maýsymnyń 23-i kúni tańǵy saǵat 10.30 shamasynda Aqoba aýyldyq okrýgine qarasty Máńgúr jáne Drýjba malshy qystaqtarynyń aralyǵynan, Adaıbaı sý qoımasynyń janynan aqbókenniń 4 óli denesi tabylǵan.
Jedel izdestirý sharalarynyń nátıjesinde osy qylmysqa kináli degen kúdikpen Jánibek aýdanynyń 40 jáne 28 jastaǵy qos turǵyny tutqyndaldy.
Oqıǵa ornynan 12 kalıbrli «IJ-54» qosaýyz myltyǵy, 5 patron jáne eki velosıped tabylǵan.
Qazir osy oqıǵa boıynsha Jánibek aýdandyq polısııa bólimi Qazaqstan Respýblıkasy Qylmystyq Kodeksiniń 337 baby, 4 bóligi jáne 339 babyna sáıkes sotqa deıingi tergeý júrgizýde.
О́kinishke qaraı, Jánibekte mundaı oqıǵa jıi qaıtalanyp tur. Maýsymnyń 25-i kúni de osy aýdannyń Kúıgenkól aýyldyq okrýgine qarasty Astaýsalǵan malshy qystaǵy mańynan polısııa qyzmetkerleri men «Ohotzooprom» ınspektorlary 1973 jyly týǵan azamatty ustaǵan. О́ıtkeni ol motosıkline eki kıiktiń denesin salyp alǵan eken. Tintý júrgizgende motosıkl besiginen 4 múıiz, pyshaq, 12 kalıbrli qosaýyz myltyq jáne patrondar shyqqan.
Bul oqıǵa boıynsha da sotqa deıingi tergeý sharalary bastaldy. Saraptamalar taǵaıyndalǵan.
Aıta keteıik, 2019 jylǵy áýe sanaǵynyń nátıjesinde Qazaqstanda 334 400 basqa jetkeni habarlanǵan bolatyn. Sonyń ishinde Ústirt aımaǵynda – 5900, Betbaqdala óńirinde – 111500 bas kıik bolsa, Oral popýlıasııasyndaǵy aqbóken sany – 217 myń basqa jetkeni aıtylǵan.
Batys Qazaqstan
