Kezdesý barysynda Qasym-Jomart Toqaevqa ekonomıkanyń túrli salasyndaǵy, sonyń ishinde mashına jasaý jáne energetıka sektorlaryndaǵy birlesken ınvestısııalyq jobalardyń júzege asyrylýy jóninde málimet berildi.
Qazaqstan Prezıdenti Sheteldik ınvestorlar keńesine qatysqany úshin Lorenso Sımonellıge rızashylyq bildirip, onyń kompanııasynyń Qazaqstanda jaqsy jumys istep jatqanyn atap ótti.
– Túrli saladaǵy tabysty is-qımyldar boıynsha mol tájirıbemiz bar. Bizdiń jemisti yntymaqtastyǵymyz jalǵasa beredi dep oılaımyn, – dedi Memleket basshysy.
Lorenso Sımonellı kompanııanyń Qazaqstanda jańa jobalardy belsendi júzege asyryp jatqanyn aıtty.
– Ekinshi úıimdeı bolyp ketken Qazaqstanǵa qaıta oralý men úshin zor qýanysh. Biz óz jumysymyzda jańa salalardy ashyp jatyrmyz. Qazaqstan bizdiń kompanııanyń áleýetin tutas el aýmaǵyndaǵy ınfraqurylymdy damytý úshin sátti paıdalanýdyń jarqyn úlgisin kórsetedi dep oılaımyn, – dedi bıznesmen.
Qazaqstan Prezıdenti men kompanııa basshysy keleshek yntymaqtastyqtyń perspektıvalaryn talqylady.
