«Atameken» QR Ulttyq Kásipkerler palatasy basqarmasynyń sheshimimen Almaty qalasy Kásipkerler palatasynyń dırektory bolyp Narıman Ábilshaıyqov taǵaıyndaldy.
Buǵan deıingi bul laýazymdy atqarǵan Baǵdat Ǵazızuly Telebaı basqa jumysqa aýysyna baılanysty qyzmetinen bosatyldy. Narıman Ábilshaıyqov osy kúnge deıin Almaty oblysy Kásipkerler palatasynyń dırektory qyzmetin atqarǵan.
Jańa basshyny Almaty qalasy Kásipkerler palatasynyń ujymyna «Atameken» QR UKP Basqarma tóraǵasynyń orynbasary Eldar Jumaǵazıev tanystyrdy.
Narıman Ábilshaıyqov 1983 jyly Pavlodar óńirinde dúnıege kelgen. S.Toraıǵyrov atyndaǵy Pavlodar memlekettik ýnıversıtetin «ınjener-qurylysshy» mamandyǵy boıynsha támamdaǵan. Ekonomıka ǵylymdarynyń kandıdaty, dosent.
Eńbek jolyn 2002 jyly Pavlodar memlekettik ýnıversıtetindegi tárbıe jumysy bóliminiń mamany bolyp bastaǵan. Ár jyldary «Polıgrafııa Plıýs» JShS baspa ortalyǵynyń dırektory, Pavlodar oblysy ákiminiń keńesshisi, Týrızm basqarmasynyń basshysy, Almaty qalasy Kásipkerler palatasynyń jobalardy súıemeldeý bóliminiń basshysy, «Atameken» Ulttyq Kásipkerler palatasy О́ńirlik damý departamentiniń dırektory qyzmetterin atqarǵan. Almaty Management University, L.Gýmılev atyndaǵy Eýrazııa ulttyq ýnıversıtetiniń dosenti bolyp qyzmet etken. Pavlodar oblystyq máslıhatynyń IV jáne V shaqyrylymdarynyń depýtaty bolyp saılanǵan.
ALMATY
