Jıynǵa Eńbek jáne áleýmettik qorǵaý vıse-mınıstri Narıman Muqyshev, Sport jáne dene shynyqtyrý komıtetiniń tóraǵasy Serik Sápıev, «Qazaqstannyń turǵyn úı qurylys jınaq banki» AQ basqarma tóraǵasy Lázzat Ibragımova, BUU Balalar qory Qazaqstandaǵy ókili (IýNISEF) Artýr van Dızen jáne t.b. qatysty.
Uıymdastyrýshylardyń aıtýynsha, «Shahmat barlyǵy úshin» jobasyn qurý – grossmeısterdiń Qazaqstanda shahmat oıyndaryn damytýǵa jasaǵan úlken qadamdarynyń biri. Shahmattyń qoljetimdiligin arttyrý elimizdegi básekege qabiletti talantty jastar qataryn arttyrýmen teń. Shahmat - keıde jeńiske jetip, keıde jeńilip nemese ýaqytsha mámilege qol jetkizýge bolatyn ómirdiń qysqasha bir úlgisi sekildi. Árbir jeńis pen jeńilisten qorytyndy shyǵara bilý – árbir adamnyń boıynda sátsizdikti durys qabyldap, bolashaq mindetterdi durys qurýǵa kómektesedi.
Osy maqsatta Dınara Sádýaqasovanyń Shahmat akademııasy Qazaqstan aýmaǵy boıynsha úlken áleýmettik jumystardy júrgizip keledi. Shahmatshy arý bir mezgildik oıyn seanstaryn, sheberlik synyptary men týrnırlerdi tek elordada ǵana emes, Atyraý, Atyraý, Pavlodar, Aqtaý, Qyzylorda, Shymkent jáne ózge de óńirlerde ótkizdi.
