- Sońǵy eki kún ishinde ǵana úsh balanyń ajaly sýdan boldy, - deıdi BQO Tótenshe jaǵdaılar departamentiniń baspasóz hatshysy Jádiger Qusaıynov.
Maýsymnyń 10-y kúni keshki saǵat 21.19 shamasynda Qaztalov aýdanyna qarasty Jalpaqtal aýylynyń ortasynan aǵatyn Qaraózennen jergilikti turǵyndar 2013 jylǵy ul balanyń denesin sýdan shyǵaryp aldy.
11 maýsym kúni 16.12 saǵatta Oral qalasy Elızarov kóshesi mańynda Jaıyq ózenine birden eki bala sýǵa ketip qalǵan. Onyń biri 13 jasar ul bala, ekinshisi – 11-degi qyz bala. «Balalar «Sýǵa túsýge bolmaıdy!» degen belgi ornatylǵan jerge shomylǵan» deıdi tótenshelikter. Sýǵa ketken balalardyń denesin súńgýir mamandar alyp shyqty.
«Kóp jaǵdaıda balalar sýǵa úlkenderdiń qadaǵalaýynsyz túsedi. Eresekterdiń salǵyrttyǵynan orny tolmas qazaǵa urynyp jatamyz. Ásirese sýǵa shomylýǵa tıym salynǵan jerlerde túsýge bolmaıdy. Mas kúıinde sýǵa túsý, sý ishinde tentektik jasaý, oınaýdyń aıaǵy nasyrǵa shabýy múmkin. Sýǵa túsetin adam ár kez qutqarý quraldaryn kıip júrýi kerek. Ásirese balalardan kóz jazbańyz, olardy sý aıdyndarynda shomylýǵa jalǵyz jibermeńiz!» deıdi Batys Qazaqstan oblysy Tótenshe jaǵdaılar departamenti.
Sońǵy on jyl ishinde Batys Qazaqstan oblysynda 270 adam sýǵa ketken eken, onyń 70-ten astamy balalar.
Batys Qazaqstan
