- Bul isterdiń teń jartysyna jýyǵy, ıaǵnı 224-i – usaq buzaqylyqqa qatysty ister bolsa, 109-y – otbasylyq-turmystyq qatynastar salasyndaǵy quqyq buzýshylyqtar. Sonymen qatar alkogoldik ishimdik ishken nemese masań kúıde qoǵamdyq orynda júrgen, jol-kólik oqıǵalaryn jasaǵan, kólik júrgizýge baılanysty quqyq buzýshylyqqa jol bergen, sot úkimderin, sheshimderin nemese basqa da sot aktilerin jáne atqarý qujattaryn oryndamaǵan tulǵalar da sotqa tartyldy, - deıdi Batys Qazaqstan oblysy boıynsha Sottar Ákimshisi aqparattyq qamtamasyz etý bóliminiń basshysy Nurgúl Qanatbaeva.
Sottardyń ákimshilik isterdi ýaqyt ótkizbeı tez qaraýy – azamattarǵa qolaıly bolýy úshin jasalǵan áreket. «Túngi sot sheshimderi ásirese jol-kólik oqıǵalarynyń saldaryn óte qysqa merzimde qalpyna keltirýge jáne zaqymdalǵan avtokólik úshin saqtandyrý tólemin tez alýǵa múmkindik beredi» deıdi sot ókilderi. Osyǵan baılanysty keı kúni, dálirek aıtsaq keı túni sot zaly tańǵa deıin bos bolmaıdy. Máselen, 4 maýsym kúni «Túngi sot» jobasy aıasynda 24 is qaralypty.
- Ákimshilik quqyq buzýshylyq isterin qaraý kezinde medıasııa keńinen qoldanylady. Máselen, otbasylyq-turmystyq quqyq buzýshylyq jasaǵany úshin kóterilgen 28 ákimshilik is taraptardyń tatýlasýymen aıaqtaldy. Sóıtip is júrgizý toqtatyldy. «Daý muraty – bitý» bolǵandyqtan, sot mundaı bastamany qoldaıdy, - deıdi Nurgúl Qanatbaeva.
Sot ókiliniń aıtýynsha, «Túngi sot» jobasy batysqazaqstandyqtar arasynda úlken suranysqa ıe bolyp otyr.
Batys Qazaqstan
