Aımaqtar • 15 Shilde, 2019

Arysta qurylys jumystary túnde de júrgizilýde

198 ret kórsetildi

Arys qalasynda elimizdiń barlyq oblysy men úsh megapolısinen kelgen 5 myńdaı qurylysshy, 180-nen astam merdiger jumys isteýde. Jergilikti turǵyndar da aqyly qurylys jumystaryna tartylǵan.

Búginde turǵyn úılerdi jyldam ári sapaly jóndeý,  qalpyna keltirý úshin qurylysshylar túnde de jumysty jalǵastyryp keledi. Oblys,  qala, aýdan ákimdikterine bekitilgen aýmaqtarda turǵyndardy tirkeý,  qujattar qabyldaý,  gýmanıtarlyq kómek kórsetý, qoqystan tazalaý jáne ózge de jumystar qyzý júrgizilýde. Máselen,  1-aýmaqqa Atyraý oblysy men Jetisaı aýdany jaýapty.  Munda 482 úı bar.  Jetisaılyq azamattar túnde de shtab jumysyn toqtatpaı, turǵyndarǵa kómek kórsetýde. Jergilikti turǵyndar kómekke kelgen azamattarǵa rızashylyǵyn bildirýde.  11 shildedegi málimet boıynsha Arysta 700-den astam úı jóndeldi. Jalpy,  qalada 8401 úı tirkelse,  onyń 7097-si zaqymdalǵan.  Sonymen birge 104 kópqabatty úıdiń 94-ine jóndeý jumystary taǵaıyndalǵan.  

Aıta ketelik, Arys qalasyndaǵy tótenshe jaǵdaıǵa baılanysty 100 myń teńge ótemaqy berý boıynsha jergilikti turǵyndardan qujattardy qysqa merzimde jınaýǵa tıisti mamandar jáne aýdan, qala ákimdikteriniń qyzmetkerleri bekitilgen. Olar shildeden bastap ótemaqy alýǵa ótinishter jınaqtaýda. О́temaqy Úkimet bekitken tizim boıynsha beriledi. Atap aıtqanda, Arys qalasy boıynsha – 44 994 adam, Aqdala aýyl okrýginde – 4 324, Qojatoǵaı aýyl okrýgi boıynsha – 4 232, Dermene aýyl okrýginde – 2 052 adam. Jalpy birinshi kezekte 55 602 turǵynǵa 100 myń teńgeden 5,6 mlrd teńge kóleminde ótemaqy tóleý josparlanyp otyr. О́temaqy tóleýge Úkimettiń rezervi esebinen 3 mlrd teńge, oblystyq bıýdjetten 1 mlrd teńge jáne arnaıy qurylǵan «Túrkistan» áleýmettik qoryna túsken qarjydan 1,6 mlrd teńge bólinedi dep kútilýde.

Sońǵy jańalyqtar

Uqsas jańalyqtar