Kompanııanyń jalpy eńbekaqy tóleý qory shamamen 10 paıyzǵa ulǵaıdy, sonymen birge mamandyq boıynsha eńbekaqynyń ósýi dıfferensıaldy bolady jáne ol qazirgi aqyǵa baılanysty bolmaq.
Kenshi, metallýrg jáne baıytýshy mamandyqtary kúrdeli ári qaýipti bolyp sanalady. Sondyqtan Qazaqmys árqashan eńbek ujymdarynyń jaǵdaıyn eskere otyryp, múmkindiginshe eńbekaqyny kóterip otyrýǵa tyrysady. Laıyqty jáne básekege qabiletti eńbekaqy – áleýmettik jaǵdaıdyń mańyzdy faktory.
Esterińizge sala keteıik, 2019 jyldyń qańtar aıynan bastap Qazaqmys korporasııasynyń jumysshylary kóbeıtilgen jalaqy alyp keledi. Eńbekaqyny ósirý Qazaqstan Respýblıkasyndaǵy tómengi jalaqy mólsherindegi ózgeristerge baılanysty jasalǵan bolatyn.
«Qazaqmys holdıng» JShS – tabıǵı resýrstardy óndirý jáne qaıta óńdeý salasyndaǵy jetekshi kompanııa, Qazaqstandaǵy iri mys óndirýshi. Kompanııa quramynda on eki kenish, alty ken baıytý fabrıkasy, eki mys balqytý zaýyty jáne eki kómir razrezi bar. Qazaqmys ken óndiretin jáne ony óńdep, taýarly metallǵa aınaldyratyn óndiristik nysandardy basqarady. 2018 jyly 238,858 myń tonna katodty mys óndirildi, 3112 kg altyn quımalary alyndy. Bul kórsetkish ótken jyldyń sáıkes kezeńimen salystyrǵanda (2250 kg) 862 kılogrammǵa artyq (+38,3%).
Qazaqmys – álemdegi iri kúmis óndirýshilerdiń biri – 2018 jyly 242,0 tonna tazartylǵan kúmis alyndy.
Korporasııa kásiporyndar men aımaqtardy elektr energııasymen qamtamasyz etetin ishki elektrstansııalaryna ıe.
