Dástúrli án festıvaliniń bıylǵy baıqaýynda estrada janry boıynsha 18, romans janry boıynsha 11 qatysýshy baq synaǵan bolatyn.
Eki kúnge sozylǵan án saıysynda estrada janry boıynsha bas júldeni oraldyq Aıbek Dáýletqalıev, romans janry boıynsha bas júldeni tarazdyq ánshi Dinmuhamed jeńip aldy. Olardyń árqaısysyna 650 myń teńge júlde tabys etildi.
Estradalyq vokal boıynsha birinshi oryn oraldyq Taras Jaýymbaevqa, ekinshi júlde Nur-Sultan qalasynan kelgen Aıdyn Jumabaevqa, úshinshi oryn qaraǵandylyq Samat Shonov pen nursultandyq Meıirjan Samyltyrovqa buıyrdy. Al ózbekstandyq Rahmet Orynǵalıev, atyraýlyq Aıdanaq Saǵyndyq, aqtóbelik Ernar Dúıseev dıplomant atandy.
Eskendir Hasanǵalıevtiń ózi tóraǵalyq etken qazylar alqasy Almaty qalasynan kelgen qos ánshi Erjan Jaýynbaev pen Jandarbek Erkinbaevqa romans janry boıynsha baıqaýdyń I jáne II oryn ıegerleri degen ataq berdi. О́skemendik Dáýren Seıitjanov III oryndy qanaǵat tutsa, qostanaılyq Gúlbaqyt Jańbyrbaeva men tarazdyq Sáýle Jýatbekova dıplomant atandy.
Hadısha Bókeeva atyndaǵy Batys Qazaqstan oblystyq qazaq drama teatrynda ótken marapattaý rásimi gala konsertpen aıaqtaldy.
