Úkimet úıi alańynda ótken baspasóz konferensııasy barysynda QR UEM «Qazaqstandyq MJÁ ortalyǵy» AQ basqarma tóraǵasynyń orynbasary Aıdos Kóbetov Qazaqstanda memlekettik-jekeshelik áriptestik tetigin jetildirý týraly aıtyp berdi. Bul týraly Premer-Mınıstrdiń baspasóz qyzmeti habarlady.
A. Kóbetov 2014 jylǵa deıin Qazaqstanda bar bolǵany úsh iri MJÁ jobasy bolǵanyn aıtty, olar: «Shar — О́skemen» avtojoly, Aqtaýdaǵy halyqaralyq áýejaı jáne Soltústik Qazaqstan elektr jelisi.
«2011 jyldan bastap biz QR UEM birlesip ınvestorlardy tartý tetikterin kezeń-kezeńimen engize bastadyq. Birinshiden, bul barlyq oblystardy keńeıtý jumystary boldy. Buǵan deıin tek áleýmettik jobalar men tirshilikti qamtamasyz etý jobalary iske asyryldy. Odan keıin spektr keńeıtildi», dedi A. Kóbetov.
2015 jyly MJÁ týraly zań qabyldanǵannan keıin «Jeke qarjylyq bastama» tetigi paıda boldy. Búginde qol qoıylǵan 565 kelisimsharttyń 290-y osy tetikke qatysty.
ÚAAAJ jobasyn iske asyrý aıasynda erekshe mańyzdy jobalar boıynsha valıýtalyq táýekeldi qabyldaý, halyqaralyq arbıtraj, jeke seriktes, memlekettik seriktes jáne qarjylandyrý ınstıtýty arasynda kelisimshart jasaýǵa múmkindik beretin tikeleı kelisim sekildi negizgi ózgerister engizildi.
«Eger bólinisti alyp qaraıtyn bolsaq, 907 mlrd teńge somasyna 9 respýblıkalyq MJÁ jobasy jáne 400 mlrd teńge somasyna 556 jergilikti joba. Olar boıynsha shyǵyndardy óteýge 1,1 trln tg jumsalady. Investısııalar tartý – shamamen 900 mlrd tg. Shamamen 1:1», dedi QR UEM «Qazaqstandyq MJÁ ortalyǵy» AQ basqarma tóraǵasynyń orynbasary.
Sonymen birge, ol bastapqyda ınvestorlardy memlekettiń jaýapty baǵyttaryna tartý mindeti turǵanyn atap ótti. Sondyqtan da, ınvestorlar úshin asa tartymdy emes jobalar boldy. Kez-kelgen memlekettegideı, Qazaqstan qarjy salatyn ınvestorlar úshin qaıtarymdylyqqa kepildik berip, táýekelderdi barynsha azaıtýdy qamtamasyz etýi tıis edi.
«Osy qabyldanǵan mindettemelerdiń arqasynda jobalardyń sany osynshalyqty boldy. Biraq osy jyldyń basynan bastap QR UEM sannan sapaǵa kóshýdi bastady, jobalardy úsh sanatqa bóldi», dedi A. Kóbetov.
Prezıdenttiń qarapaıymdylyǵy qatty unady – Shavkat Rahmonov
Sport • Búgin, 23:06
ShQO TJD «Ulttyq kıim kúni» chellenjin ótkizdi
Qoǵam • Búgin, 11:35
Álıhan Smaıylov qazaq elin Naýryz meıramymen quttyqtady
Úkimet • Búgin, 11:00
Búgin elimizdiń basym bóliginde kún ashyq bolady
Aýa raıy • Búgin, 10:40
Qazaqstan • Búgin, 10:18
Uqsas jańalyqtar
