Jaqynda Darııan aýylynda 68 jastaǵy zeınetkerdiń «IJ-2126» avtokóliginen belgisiz bireýler balyq aýlaıtyn qarmaq-quraldaryn urlap ketken eken.
Báıterektik polısııa qyzmetkerleri «Qaýipsiz aýla» júıesindegi kamera jazbasyn qarap, suǵanaqty birden tapty. Ury 16 jasar bozbala bolyp shyqty. Prıýral polısııa bólimi urlyq oqıǵasy boıynsha tergeýdi bastaǵan.
Osydan bir aı ýaqyt buryn Báıterek aýdanynda iske qosylǵan «Suńqarsmartsıtı» beınebaqylaý júıesin oraldyq «Elaıts» JShS mamandary oılap tapqan. Sóıtip memleket pen jekemenshik áriptestigi negizinde aqyldy baǵdarlama alǵash ret Báıterek aýdanynyń 8 eldimekeninde iske qosylǵan bolatyn. Aýdanda ornatylǵan barlyq 243 kamera bir ortalyqtan basqarylady.
- Júıe iske qosylǵaly beri osy kamera jazbalarynyń kómegimen 8 qylmys ashyldy. Onyń biri – kisi ólimine qatysty asa aýyr oqıǵa bolatyn, - deıdi Batys Qazaqstan oblystyq Polısııa departamenti baspasóz qyzmetiniń mamany Álııa Naýryzǵalıeva.
Batys Qazaqstan
