Bıylǵy 22 shildeden beri elimizdiń barlyq qalalary men aýdandaryndaǵy 200 mektepte bıznes negizderi boıynsha bilim alýǵa nıet bildirýshiler kásipkerlikpen aınalysýǵa degen yntasyn anyqtaý maqsatynda testileýden ótip jatyr.
2019 jyly memlekettik baǵdarlama boıynsha kásipkerlerdi oqytýdyń jalpy sany Prezıdenttiń tapsyrmasy boıynsha eki esege artty. Eki oqý baǵdarlamasynda 75 myń adam ózin-ózi jumyspen qamtyǵan, jumyssyz jáne kóp balaly otbasylardyń músheleri oqytylady, olardyń teń jartysy – 18-29 jas aralyǵyndaǵy jastar bolady.
«Balalarmen jattyǵý kezinde jáne bizdiń mektebimizde 500-den astam sportshy bar, sondaı-aq jastarmen kezdeskende men árqashan adamgershiliktik tárbıeniń qajettiligi týraly aıtamyn. Bul eńbekke baýlý, ata-anany qurmetteý sııaqty ózgermeıtin qundylyqtar. Áleýmettik jelilerden «Jas kásipker», «Bastaý» oqý jobalary týraly aqparatty kórip, ony jastar qoldaıtynyn kórgende, men de óz úlesimdi qosýdy jón kórdim», dedi tanymal kúresker.
«Kásip, jeke bıznes júrgizý, baı bolý jaqsy, biraq ol eńbekqorlyq arqyly keledi. Meniń dostarym, tanystarym jáne bıznesmender menen de erterek turyp, tún ortasynda ǵana uıyqtaıdy. Nelikten? Sebebi, olar tek ózderi úshin ǵana emes, jumys úshin, óz komandasy úshin, aınaladaǵylar úshin de jaýap beredi. Bul bıznes pen sporttyń arasyndaǵy ortaq nárse», dep atap ótti Ardaq Nazarov.
Bilim berý jobalarynyń ereksheligi – oqytý, qarjylandyrý jáne súıemeldeý syndy úsh negizgi elementti biriktirý. 22 shildeden bastap 200 myńǵa tarta jas jáne kóp balaly otbasylardyń músheleri búkil Qazaqstan boıynsha 200 synypta kásipkerlik negizderin oqı bastady. Bir qyzyǵy, 60 synyp Elorda jáne iri Almaty, Shymkent qalalarynda ornalasqan. Dál osy qalalarda turaqty tabysy joq ózin-ózi jumyspen qamtyǵan jáne jumyssyz jastardyń kóp bóligi shoǵyrlanǵan.
– Men jobalardy alǵa jyljytýda jastar arasynda tanymal adamdardy tartý týraly «Atamekenniń» bastamasyn qoldaımyn. О́ıtkeni, búginde áleýmettik jeliler negizgi aqparat kózi bolyp otyr. Sondyqtan ataqty sportshylardy, shoý-bıznes juldyzdaryn qoǵamymyzdyń ál-aýqatyn nyǵaıtýǵa baǵyttalǵan osyndaı áleýmettik bastamalardy ilgeriletýge shaqyramyn, – dedi A.Nazarov. – Men jastardy batyldyqpen alǵa umtylýǵa, eshteńeden qoryqpaýǵa shaqyramyn. Memleket jastardy qoldaýda úlken jumys atqarady: jastarǵa bilim ǵana emes, sonymen qatar granttar men nesıeler de berilýde».
Sportshy jastardy memlekettik qoldaý sharalaryn qoldanýǵa shaqyrǵan beınerolıkke tústi. Uıymdastyrýshylar ataqty tulǵalarmen vırýstyq beıneler serııasyn daıyndaýdy josparlap otyr.
Jumyssyz jáne ózin-ózi jumyspen qamtyǵan jastar nemese kóp balaly otbasylardyń músheleri «Jas kásipker» jobasyna qatysa alady. Ol úshin ótinimdi qoldau.atameken.kz saıtyna jiberý kerek. Palata fılıaldary nemese «Atameken» UKP baılanys ortalyǵy – 1432 nómirine qońyraý shala alasyz (qońyraý shalý tegin).
