Máselen, 2019 jyldyń birinshi toqsanynda Qazaqstanda medısınalyq qyzmet kórsetý kólemi, jalpy alǵanda, 306,6 mıllıon teńgeni quraǵan. Onyń ishindegi, 7% nemese 21,4 mıllıon teńge kásiporyndar qarjysynan tólendi. Salystyrmaly túrde alsaq, 2018 jyldyń osy merziminde Qazaqstanda medısına qyzmetterine 254,4 mıllıon teńge jumsalsa, onyń ishindegi 6,6%-dy (16,7 mln teńge) kásiporyndardyń qarjysy quraıdy.
2019 jylǵy birinshi toqsanda jalpy qyzmet kórsetetin dárigerlerdiń qyzmetine 5,7 mln teńge jumsalypty. Sarapshylar eger qyzmetkerler medısınalyq tekserýden turaqty ótip júretin bolsa, medısınalyq qyzmetterge jumsalatyn qarjyny qysqartýǵa bolady, dep esepteıdi. О́ıtkeni der kezinde chek-aptan, ıaǵnı tolyq medısınalyq tekserýden ótý qyzmetkerler arasyndaǵy syrqatqa baılanysty demalysty qysqartýǵa múmkindik beredi.
Qazaqstanda 2019 jylǵy birinshi toqsanda jalpy qyzmet kórsetetin dárigerlerdiń qyzmetine shaǵyn kásiporyndar jumsaǵan shyǵyn kólemi 1,7 mln teńgeni, orta kásiporyndardyń shyǵyny 1,2 mln teńgeni, iri kásiporyndardyń shyǵyny 2,7 mln teńgeni qurady. Densaýlyq saqtaý salasyna jumsalǵan shyǵyndar boıynsha, aımaqtar arasynda Atyraý (1,4 mln teńge), Shyǵys Qazaqstan (1,1 mln teńge) jáne Qaraǵandy (899 myń teńge) oblystary kósh bastap tur.
Garvard medısına mektebiniń málimetteri boıynsha, ımmýnıteti qalypty eresek adam, ortasha eseppen, jylyna 3 ret aýyrady eken. Qazirgi tańda Qazaqstanda jumys isteıtin halyq sany – 9,2 mıllıon adam. 2019 jylǵy birinshi toqsanda aılyq ortasha eńbekaqy 168 489 teńgeni qurady. Máselen, 10 qyzmetker jumys isteıtin kásiporyn, eger ár qyzmetker jylyna 3 ret eńbekke jaramsyzdyǵy boıynsha demalys, ıaǵnı «bolnıchnyı» alatyn bolsa, úsh kúndik «bolnıchnyıǵa» aqy tóleý úshin jylyna, shamamen, 691 650 teńge joǵaltady eken. Eger osy esepteýlerdi eńbekke jaramdy halyqqa qoldanatyn bolsaq, onda qazaqstandyq kompanııalar jylyna 636,3 mlrd teńgege deıingi somadan aıyrylýy múmkin.
Der kezinde syrqattyń aldyn alý jáne medısınalyq tekserýden ýaqtyly ótý bul shyǵyndardy birneshe ese qysqarta alady.
ALMATY
