- Qazaq halqynyń aqyny, jazýshy, fılosof Shákárim Qudaıberdiulynyń shyǵarmashylyq murasy - urpaqtan-urpaqqa berilip kele jatqan búkil ulttyń rýhanı baılyǵy,-dedi Arǵynbek Ahmetjanov,-Shákárim eńbekteri - qazaq halqynyń rýhanı tájirıbesi men danalyǵyn beıneleıtin ulttyq mádenıettiń biregeı bóligi. Búgingi keshtiń de maqsaty tarıhı-mádenı murany nasıhattaý, oqyrmandardyń týǵan ólke tarıhyna, mádenıetine jáne salt-dástúrine degen qurmet sezimi men qyzyǵýshylyǵyn arttyrý bolyp tabylady. Ultymyzdyń mádenı kodynda esimderi altyn áriptermen jazylǵan tulǵalar bar desek, sonyń biri de biregeıi Shákárim. Onyń kóp janrly poezııalyq shyǵarmalarynyń mazmuny óte tereń. Týyndylarynda azamattyq jáne mahabbat lırıkasy, fılosofııalyq oılar, tarıhı balladalar jáne basqa da kóptegen taqyryptar qamtylǵan.
Kesh barysynda Shákárim Qudaıberdiulynyń óleńderi oqylyp, shyǵarmalary talqylandy. Qatysýshylarǵa slaıd-tusaýkeseri usynylyp, kitap kórmesine qoıylǵan ádebıetterge bıblıografııalyq sholý jasaldy. Ádebı keshke qatysýshy ánshi Qaıyrbaı Aqmyshev Shákárim óleńderine jazylǵan ánderdi oryndap berdi.
