Aımaqtar • 24 Shilde, 2019

Ál-Farabı atyndaǵy QazUÝ Arys oqýshylaryn Ystyqkólge demalýǵa alyp ketti

171 ret kórsetildi

Ál-Farabı atyndaǵy QazUÝ Ystyqkól jaǵasyndaǵy sporttyq-saýyqtyrý lagerine Arys qalasynyń 50 búldirshinin demalýǵa apardy. Tańǵajaıyp tabıǵat pen saf taza aýa jáne kórkemdigi kóz súrindirer «Qyrǵyzstannyń injý-marjany» aıasynda balalardy umytylmas demalys kúnderi qushaǵyna alady.

QazUÝ áleýmettik jáne psıhologııalyq qoldaý kórsetý maqsatynda Arys qalasynyń oqýshylary úshin bilim berýdi damytý, bos ýaqytyn tıimdi ótkizý, saýyqtyrý-ońaltýdyń keń kólemdi baǵdarlamasyn daıyndaǵan. Atalmysh baǵdarlamalar aıasynda balalar kommýnıkatıvtik qabiletterin damytý, qoǵamdyq ortada sátti áleýmettený, kásibı ózin-ózi anyqtaý máseleleri boıynsha qyzyqty trenıngterge qatysady.

Terapııanyń túr-túri (art-terapııa, ertegi, oıyn terapııalary) jáne sporttyq saıystar, teatr qoıylymdary men alaý janynda jańa dostarmen otyryp án shyrqaý, kóńildi jattyǵýlar men bı keshteri, shyǵarmashylyq jáne tanymdyq is-sharalar – osynyń bári kásibı psıhologtar men áleýmettik pedagogtardyń uıymdastyrýymen ótetin bolady.

Uzaq joldan sharshańqy jetkenderine qaramastan, lagerge taban tiregen sátten bastap balalar Ystyqkóldiń ertegidegideı kórinisine, tamyljyǵan tabıǵatyna tamsanyp, máre-sáre boldy. Kóbisiniń bul jerge alǵash kelýi. Sondaı-aq kóldiń janǵa jaıly jaǵalaýynda eki apta esten ketpesteı  demalatyny balalardyń qýanyshyn eseleı tústi. Taza aýa, sýy móldir kól oqýshylarǵa shattyqqa toly ǵajaıyp sátter, dostar men qamqor ustazdar arasyndaǵy kúnderden tátti estelik syılary sózsiz.

«Balalar lager ómirine birden beıimdelip ketti. Munda olarǵa óte qyzyqty. Tótenshe jaǵdaıdan soń balalarǵa demalys óte qajet ekeni belgili. Sondyqtan biz balalardyń demalysyn uıymdastyrýǵa sheshim qabyldadyq. Qazirgi bizdiń basty maqsatymyz – oryn alǵan oqıǵadan balalardyń nazaryn aýdarý. Olardyń lagerdegi kúnderiniń eń qyzyqty ári paıdaly ótýine bar kúsh-jigerimizdi salatyn bolamyz», dedi QazUÝ sporttyq-saýyqtyrý lageriniń dırektory Talǵat Dúısembaev.

Qazaqstandyq jetekshi ýnıversıtettiń arystyq balalarǵa arnalǵan tegin demalysty uıymdastyrýy – Qazaqstan halqynyń qıyn jaǵdaıda qalǵandarǵa árdaıym qoldaý kórsetýge daıyn ekendiginiń taǵy bir dáleli. Aıta ketý kerek, buryn QazUÝ-dyń myńdaǵan ujymy tótenshe jaǵdaı saldarynan zardap shekken otandastardyń qaıǵysyna alǵashqylardyń biri bolyp ún qatqan edi. Ýnıversıtet ǵalymdary, oqytýshylary men qyzmetkerleri bir aýyzdan materıaldyq kómek kórsetip, qala turǵyndaryna bir kúndik jalaqysyn aýdardy.

Sońǵy jańalyqtar

Kentaý qalasynyń ákimi taǵaıyndaldy

Taǵaıyndaý • Búgin, 20:30

Dollar arzandady

Ekonomıka • Búgin, 16:52

Qosshyda jańa mektep ashylady

Bilim • Búgin, 16:25

Almatyda esirtki tasymalynyń joly kesildi

Aımaqtar • Búgin, 14:55

Hamenova óz kinásin moıyndaǵan joq

Qoǵam • Búgin, 14:16

Qazaqstanda jylqy eti qymbattady

Qoǵam • Búgin, 14:02

Uqsas jańalyqtar