Nursultan Nazarbaev Shavkat Mırzıeevti týǵan kúnimen quttyqtap, zor densaýlyq jáne memlekettik qyzmetine tolaǵaı tabys, al baýyrlas О́zbekstan halqyna baq-bereke tiledi.
Taraptar sońǵy jyldary qol jetkizilgen ýaǵdalastyqtardyń arqasynda Qazaqstan-О́zbekstan arasyndaǵy kópqyrly yntymaqtastyq tyń serpin alyp, jańa sapaly deńgeıge kóterilgenin atap ótti.
О́zara saýda kóleminiń artýymen jáne ekonomıkalyq qatynastardyń nyǵaıýymen qatar mádenı-gýmanıtarlyq baılanystardyń belsendi damyp kele jatqanyna nazar aýdaryldy. Atap aıtqanda, 2018 jyly Qazaqstandaǵy О́zbekstan jyly tabysty ótti, bıyl О́zbekstandaǵy Qazaqstan jyly aıasynda is-sharalar ótkizilýde.
Nursultan Nazarbaev pen Shavkat Mırzıeev kún tártibindegi óńirlik máselelerdi de talqylady.
Taraptar tatý kórshilik rýhynda jáne eki el halqynyń ıgiligi jolynda damyp kele jatqan Qazaqstan-О́zbekstan strategııalyq qatynastary odan ári nyǵaıa túsetinine senim bildirdi.
