Sıfrlandyrý sybaılastyqty joıady

Mınıstrdiń aıtýynsha, elimizde elektrondy medı­sınalyq tólqujat jobasy iske qosylǵan. «Osy aptada azamattar densaýlyǵynyń elektrondy tólqujatyn iske qostyq. Qazir pasporttar qoljetimdi. Kez kelgen azamat eGov portaly arqyly ózi týraly barlyq medısınalyq aqparatty taba alady. Iаǵnı, qandaı medısınalyq mekemege qaralǵanyn, tegin medısınalyq kómektiń kepildik kóleminiń tolyq paketin bile alady. Jańa jyldan bastap tólqujat onlaın rejimde jumys isteıdi. Bul halyqty emdeýge ketetin shyǵynnyń ashyqtyǵy úshin kerek. Qazaqstannyń qaı óńirine baryp dárigerge qaralsańyz da sizdiń syrqatyńyzǵa qatysty derekter elektrondy bazadan tabylady. Osylaısha biz kóptegen qaǵazbastylyqtan arylamyz», dedi elimizdiń bas dárigeri.

Bolashaqta bul qyzmet elektron­dy úkimettiń mo­bıl­­di nusqasynda paıda bola­dy jáne ony dári-dár­­mekpen qamtamasyz etý resep­ti­le­ri­niń kóshirmesin nemese medı­sınalyq mekemelerde qyz­met alý faktilerin rastaý retinde paıdalanýǵa bolady. «Biz kóptegen jyldar boıy dárilerdi esepke alýdyń, aýrýhanalarda qaǵazsyz jumys júrgizýge arnalǵan ártúrli aqparattyq júıelerdi jasap kelemiz. Bul málimetterdiń barlyǵy jeke aqparattyq júıelerde, bólek serverlerde jınaqtalǵan. Bizdiń mindetimiz – árbir azamat osy jazbalardy kórip, baqylap otyrýy úshin oǵan qoljetimdilikti qam­ta­masyz etý. Sıfrlandyrý eń áýeli medısınanyń trans­parenttiligin, memleket shy­ǵy­nynyń ashyqtyǵyn qam­ta­masyz etý úshin qajet. Bıyl medısına salasy túgeldeı resmı túrde qaǵazsyz formatqa kóshedi. Is júzinde tegin medı­sına­lyq qyzmet kórsetetin bar­lyq aýrý­hanalar, emhanalar elektrondy jazba júrgizýge min­detti. Osy jumys arqyly biz aý­rýhanalardyń jumysyn ońtaı­landyryp qana qoımaı, qaǵaz­bastylyqtan qutylyp, shy­ǵyndardy azaıtamyz», dedi ol.

Sonymen qatar medısına­lyq anyqtamalar tek qana elektrondy túrde beri­le­tin bolypty. Bul – medı­sı­nalyq anyqtama saý­dasy­men kúresýdiń jáne ha­lyq­ty qaǵazbastylyqtan qutqa­rý­dyń birden-bir joly. «Medısınalyq anyqtamalar mem­­lekettik emhanalarda ǵana emes, jekemenshik medı­sı­na mekemelerinde de saty­lyp jatyr. Biz Sybaılas jem­qor­lyqqa qarsy is-qımyl agent­ti­gimen birlesip, bul máseleni joıý boıynsha jumys istep jatyrmyz. Sondaı-aq barlyq medısınalyq anyqtamalardy tek qana elektrondy túrde berýdi júzege asyrý úshin osy jyldyń aıaǵyna deıin basqa mınıstrliktermen kelisim júrgizemiz. Mysaly, joǵary oqý oryndaryna túsý úshin talap etiletin 086-anyq­ta­ma­nyń kúshin joıý úshin Bilim jáne ǵylym mınıstrligimen, júrgizýshi kýáligin alýda qajet bolatyn 083-anyqtamanyń kúshin joıý úshin Ishki ister mınıstrligimen jumys júrgi­zi­lýde. О́ıtkeni olar ózderi aqparattyq júıege tikeleı qosy­lý arqyly ár aza­mattyń densaýlyǵy týraly má­­limetke qol jetkize alatyn bo­lady», deıdi vedomstvo basshysy.

Degenmen salany sıfr­landyrý kezinde keıbir keleń­sizdikter de anyqtalyp jatyr. Máselen, SMS alǵan 4000 adam ózderine eshqandaı dári berilmegenin aıtqan. «Biz SMS-eskertý júıesin tegin beriletin dári-dármektiń elge jetpeı jat­qany týraly shaǵym kóbeı­gendikten qosqan bolatynbyz. Bul da sıfrlandyrýdyń bir parasy. Naýqasqa tegin dári beril­geni týraly aqparat bazaǵa tús­ken sátte emdelýshige SMS ji­beriledi. Bıyl sondaı SMS alǵan 4000 adam, ózderine eshqandaı dári berilmegenin aıtyp shaǵymdandy. Bul jerde kóptegen faktor bar. Keı naýqastyń telefon nó­mi­ri ózgerip ketken. Bir­aq­ kóp jaǵdaıda durys jos­par­lamaǵannan bolǵan. Sondaı-aq memleket tarapynan satyp alynǵan dári-dármektiń jeke dárihanalarda satylǵanyn da anyqtadyq. Bul másele boıynsha quqyq qorǵaý organdarymen birlesip jumys júrgizip jatyrmyz. Nátıjesinde 27 qylmystyq is qozǵaldy», dedi E.Birtanov.