Shyǵyp sóılegen onshaqty kisiniń barlyǵy da Nursultan Nazarbaevtyń elge, memleketke sińirgen eńbegine toqtaldy. Qostanaı qalasynyń ortalyǵyndaǵy Gagarın dańǵylyna Nursultan Nazarbaevtyń esimin berý týraly bastamany sol kóshede ornalasqan Avtomobıl kóligi kolledji kótergen bolatyn. Ony Gagarın dańǵylynda turǵan «SaryarqaAvtoProm» JShS de qoldady. Qoǵamdyq tyńdaýǵa kelgen qalalyqtardyń barlyǵy da bul bastamany durys sheshim dep qabyldady.
Buryn qala kishigirim kezinde Kolhoz kóshesi Qostanaıdyń shetinde eken. Ǵaryshqa tuńǵysh adam ushqanda qostanaılyqtar osy kóshege Iýrıı Gagarınniń esimin beredi. Sodan qala ósti, qalamen birge kóshe de uzaryp, gúldenedi.Onyń boıynda kóp qabatty úıler kóbeıip, shaǵyn aýdandar paıda boldy. Endi uzyn, kórikti dańǵyl tuńǵysh Prezıdent Nursultan Nazarbaevtyń esimin alatyn bolady. Bul dańǵyl arqyly qostanaılyqtar men qala qonaqtaryn qalanyń soltústik batys jaǵyna ornap jatqan iri turǵyn aýdanyna, óndiristik aımaǵyna aparady. Qostanaıǵa kelgen saparlarynda Nursultan Ábishuly da talaı ret bul dańǵylmen «AgromashHoldıng» jáne «SaryarqaAvtoProm» mashına qurastyrý zaýyttaryna barǵan bolatyn.
Kópshiliktiń qalaýymen Gagarın esimin endi Gvardııa kóshesi alatyn boldy. Oǵan kóshe turǵyndary da qarsy bolǵan joq. Olar Gagarın ataýymen birge kósheniń kórki de, ómiri de ózgeredi degen senimde.
Qostanaı
