Eskertkishtiń ashylý saltanatyna oblys ákimi Qýanyshbek Ysqaqov pen QR Qorǵanys mınıstri Nurlan Ermekbaev jáne jaýyngerlerdiń dostary men aǵaıyndary qatysty.
"Beıbit zamanda 13 sarbazdyń qaza bolýy – barlyǵymyz úshin aýyr qaıǵy. Sondyqtan, qaza tapqan azamattardyń otbasyna qaıǵyryp kóńil aıtamyz. Olardyń esimderin halyq jadynda máńgi saqtaýy úshin qaza tapqandardyń qurmetine eskertkish ornatyp otyrmyz", - dedi oblys ákimi.
«Bul sarbazdardyń ǵumyrlary qysqa bolsa da, ózderiniń paryzdaryna adal bolyp, maǵynaly ómir súrdi. Biz olarmen maqtanamyz jáne olardyń ata-analaryna osyndaı uldardy ósirgeni úshin alǵys aıtamyz. Qaza bolǵan qyzmetkerlerdiń otbasylaryna aldaǵy ýaqytta da jan-jaqty kómek kórsetiledi. Árıne, bul olardyń qaıǵysyn jeńildetpeıdi, biraq biz qoldan kelgen kómegimizdi aıamaımyz»,- dedi QR Qorǵanys mınıstri Nurlan Ermekbaev.
Eskertkishtiń ashylýy rásiminen keıin qurban bolǵandardyń rýhyna baǵyshtalyp as berildi.
Qyzylorda oblysy
