Kórmede kórermen nazaryna Sovet Odaǵy zamanyndaǵy buıymdar usynylǵan. Keńestik dúken sóresi túrindegi ekspozısııada sol zamandaǵy turmystyq buıymdar: radıola, magnıtofon, shańsorǵysh, tigin mashınasy; mektep oqýshylaryna arnalǵan oqýlyqtar, oıynshyqtar qoıylǵan. Pıonerlik kerneı men baraban, qyzyl galstýk pen oqýshylar kıimi de sol zamandy kórgen jannyń kózine ottaı basylary anyq. Kezinde biraz jerge áıgili bolǵan Oral et-konservi kombınatynyń qalbyrdaǵy ónimderi de ekiniń biri qol jetkize almaıtyn qat dúnıe bolatyn.
Balalyq shaǵy Oral qalasynda ótken Elena Kazanogına búginde Reseıdiń Tolıattı qalasynda turady eken. Týǵan jerine tabany tımegenine 35 jyl bolypty. Jastyq shaǵyn, sovettik Oral qalasyn saǵynyp kelgen meıman mýzeıdegi keıbir jádigerdi kórgende kózine jas kelgenin de baıqamaı qalǵan.
- Bul kórmeni uıymdastyrýdaǵy maqsatymyz – jas býyndy tarıhpen tanystyrý, bardy baǵalaýǵa úıretý. Búgingi ekspozısııada 265 jádiger qoıyldy, munyń bárin mýzeıge Oral qalasynyń turǵyndary ár kezderi tapsyrǵan bolatyn, - deıdi mýzeı qyzmetkeri Talshyn Anataeva.
Rasynda da bul kórme kelýshilerdiń keıbirine saǵynyshty jastyq shaǵyn eske salsa, kóp adamǵa keńestik turmystyń qarabaıyr, súreńsiz kórinisin kórsetip tur.
Batys Qazaqstan
