Jańa nysan ýnıversıtet jataqhanalary arasyn jalǵap jatqan japsarlas ǵımarat ishinen oryn alady. Ortalyqta zamanaýı kompıýter tehnıkalarymen jabdyqtalǵan konferens-zal, kovorkıng-aýmaq jumys isteıtin bolady.
– Bul ıgilikter stýdent jastarǵa belsendi túrde demalyp jáne bos ýaqyttaryn tıimdi ótkizýge mol múmkindikter beredi, – deıdi QarMÝ-dyń rektory Azamat Edrısov.
Sonymen qatar atalǵan nysan ishinde kofe-breık pishimindegi dámhana da jastarǵa qyzmet kórsetetin bolady.
Al ýnıversıtettiń bas korpýsy men jataqhanalarynyń arasyndaǵy «Jastar» alleıasynda Wi-Fi erkin ınternet jelisi bar tabıǵat aıasynda densaýlyqty qalpyna keltirý aýmaǵynyń qurylysy júrip jatyr. Sondaı-aq, alleıada syrty qorshalyp, tabanyna jasandy kógal tóselgen shaǵyn fýtbol alańy salynyp bitti.
Osy sharýalarmen aınalysyp jatqan merdiger kompanııa – «Shyǵys-5» JShS-niń quryltaıshysy Samajan Kenjebaevtyń aıtýynsha, maqsat – qurylys jumystarynyń sapaly júrgizilýine basa kóńil bólý eken.
– Qosymsha jumystardyń týyndaýyna baılanysty nysannyń tapsyrylý merzimi sál-pál alǵa jyljytylǵany ras. Eń bastysy, biz sapaǵa mán beremiz. Degenmen, tapsyrys berýshi tarappen kelisilgen merzimde nysandy tolyqtaı tapsyrýǵa kúsh salyp jatyrmyz, – dedi merdiger kompanııanyń basshysy.
Qaraǵandy oblysy
