Jıynǵa ulttyq ulannyń radıasııalyq, hımııa jáne bıologııalyq qorǵaý mamandary men sarbazdardan quralǵan 50-den astam adam qatysty. Oqý-jattyǵý jıyndary kezinde qaýipti nysandarda oryn alýy múmkin tótenshe jaǵdaılardyń der kezinde aldyn-alý daǵdylaryn meńgerý ádisteri qoldanyldy. Sondaı-aq qatysýshylar teorııalyq alǵan bilimderin tájirıbede synap kórdi. Jattyǵý ótkizý úshin Stepnogorsk taý-ken kombınaty tańdap alyndy.
– Qazaqstan Respýblıkasy Tótenshe jaǵdaılar jónindegi komıteti tóraǵasynyń tapsyrmasymen oqý-jattyǵý jıyndary ótkizildi. Bul jıynnyń ózindik ereksheligi de bar. Máselen, mamandar naqty radıasııalyq jáne hımııalyq qaýip-qater tóngen shaqta ne isteý kerek? Mine, osyndaı máselelerdi tájirıbelik turǵyda taldap, búge-shigesine deıin uǵyndyryp, shırata túsýdemiz. Apattyń aıtyp kelmeıtindigi belgili. Halqymyz «jaman aıtpaı, jaqsy joq» demeı me,–deıdi QR IIM tótenshe jaǵdaılar jónindegi komıteti basqarma bastyǵynyń orynbasary Qaharman Orazalın.
Shara barysynda mamandarǵa tehnologııalyq jabdyqtyń óndiristik sıklin júrgizý kezinde daıyn ónim ydysynyń germetızasııalanýy nátıjesinde týyndaǵan radıasııalyq sáýlelerden týyndaıtyn qaýiptiń saldaryn joıý tapsyryldy. Qatysýshylar ózderine qoıylǵan mindetti muqııat oryndap shyqty. Mundaı mańyzdaǵy oqý-jattyǵý jıyny oblysta tuńǵysh ret ótkizildi.
Aqmola oblysy
