Sondaı-aq onyń basshylyǵyna naqty tapsyrmalar berildi:
-
QazAgrony, onyń enshiles kompanııalarynyń sanyn qysqartý, olardyń arasynda fýnksııalardyń qaıtalanýyn boldyrmaı, olardyń fýnksıonaly boıynsha naqty ara-jigin ajyratý arqyly yqsham Holdıngke aınaldyrý;
-
Holdıngtiń basqarý organdaryna sheteldik sarapshylardy tartý;
-
shtatty ońtaılandyrý jáne Holdıngtiń operasııalyq shyǵystaryn qysqartý jónindegi jumysty jalǵastyrý;
-
aýyl sharýashylyǵyn qarjylandyrýǵa baǵyttalǵan bıýdjettik qarajattyń tıimdi jáne maqsatty paıdalanylýyn qamtamasyz etý;
-
aýyl sharýashylyǵy taýar óndirýshileri úshin tıimdi nesıe ónimderin ázirleý, nesıe berý prosesin barynsha avtomattandyrý jáne nesıe ótinimderin qaraý ýaqytyn qysqartý.
QazAgro basshylyǵy Úkimetti eńbek ónimdiligin jáne AО́K ónimin eksporttaýdy arttyrýǵa, jeke ınvestısııalar men ınnovasııalyq tehnologııalardy tartýǵa, sondaı-aq aýylda jańa bıznes bastamalardy damytýǵa baǵyttalǵan 10 jyldyq kezeńge arnalǵan Holdıng strategııasynyń jobasyn ázirleý týraly habardar etti.
Nesıe qorjynynyń sapasyn jaqsartý jáne toqtap turǵan jobalardy saýyqtyrý boıynsha sharalar paketi qabyldandy.
Reformalar nátıjesinde Holdıng qysqa merzimde yqsham jáne tıimdi qarjy ınstıtýtyna aınalady.
QazAgro óz qyzmetiniń nátıjeliligin arttyrýdy jáne 2020 jyldyń qorytyndysy boıynsha taza paıda alýdy josparlap otyr.
