Adamdy eńbek ósiredi
Seısenbi, 30 sáýir 2013 2:27
«Nur Otan» halyqtyq-demokratııalyq partııasy Tóraǵasynyń birinshi orynbasary Baýyrjan Baıbek jumys saparymen Almaty oblysyna keldi. Onymen Almaty oblysynyń ákimi Ańsar Musahanov birge júrip, agrarly oblysta aýyl sharýashylyǵy salasy boıynsha memlekettik baǵdarlamalardyń qalaı is júzine asyrylyp jatqanyn kórsetti.
Seısenbi, 30 sáýir 2013 2:27
«Nur Otan» halyqtyq-demokratııalyq partııasy Tóraǵasynyń birinshi orynbasary Baýyrjan Baıbek jumys saparymen Almaty oblysyna keldi. Onymen Almaty oblysynyń ákimi Ańsar Musahanov birge júrip, agrarly oblysta aýyl sharýashylyǵy salasy boıynsha memlekettik baǵdarlamalardyń qalaı is júzine asyrylyp jatqanyn kórsetti.
Partııa Tóraǵasynyń birinshi orynbasary áýelgi kezekte Eskeldi aýdanyndaǵy «Bımuratov» sharýa qojalyǵyndaǵy mal tuqymyn asyldandyrý barysymen tanysty. Bir ereksheligi –sharýa qojalyǵy basshysynyń esebimen shektelip qalmaı, malshylardyń ortasynda turyp oblys ákiminiń orynbasary Tynyshbaı Dosymbekovtiń Jetisý jerinde Zeńgi baba tuqymyn asyldandyrý jóninde bergen málimetterin zerdelep, ozyq tájirıbelermen salystyra salmaqtap ári qarapaıym eńbek adamdarynyń aılyq jalaqylary men turmys jaǵdaılaryn da surap, ózindik oı qorytty. Sóıtip, halyq pen partııa arasyndaǵy jaqyndyqty, túsinistikti aıqyndaı tústi.
Negizinen, mal tuqymyn asyldandyrý baǵytyndaǵy bul sharýashylyq 1998 jyly qurylǵan. Byltyr ujym memlekettik «Sybaǵa» baǵdarlamasy aıasynda 6 paıyzdyq jeńildikpen 42 mln. teńge nesıe alyp, sol qarajatqa 215 bas analyq, 10 bas qazaqtyń asyl tuqymdy aqbas buqashyǵyn satyp alǵan. Munyń syrtynda memleketten 5,5 mln. teńge sýbsıdııa alyp, joǵaryda kórsetilgen qaryzyn jaýyp ta qoıǵan. Sondaı-aq, bul ujym jylyna 40 gektar jerge kartop ósirip, ónimin satyp paıda tabýda. Lezıngke alyp jatqan aýyl sharýashylyǵy tehnıkalary óz aldyna.
Sóıtip, sharýa qojalyǵynda turaqty túrde – 20, al maýsymdyq jumystar kezinde 50 adam taý qoınaýynda eńbek kórigin qyzdyrýda. Aıyna orta eseppen 45-50 myń teńgeden jalaqy alyp, tabys kózin asha bilgen ár ult ókilinen quralǵan jandar jaıdarman kóńilderin partııa Tóraǵasynyń birinshi orynbasaryna pash etti. Halqynyń 70 paıyzǵa jýyǵy aýyldy jerde turatyn jetisýlyqtar osylaı orta jáne shaǵyn bıznesti damytý arqyly memlekettik saıasatqa saı jumys júrgizip jatqanyn is júzinde kórsete bildi. О́zderiniń jaǵdaılaryn jaqsartý arqyly memlekettik saıasatty qoldap, ıaǵnı bıýdjetke turaqty túrde salyq tólep ári memleketten bólingen qarajatty tıimdi paıdalana bilý de memlekettik saıasatty júrgizýdiń bir tarmaǵy ekendigi málim.
B.Baıbek Kóksý aýylsharýashylyq kolledji oqytýshylarymen, oqýshylarymen kezdeskende de aýyl sharýashylyǵy salasyn damytý áńgime ózegine aınaldy. Álbette, búgingi kúnniń ózekti máselesiniń biri egin egip, kókónis ósirip júrgen dıqandar men baǵbandardy – aýyl sharýashylǵy tehnıkalarymen qajetinshe suranystaryn ótep, der kezinde qamtamasyz etý ekendigi basa aıtyldy.
«Dıplommen – aýylǵa!» jobasynyń sóz júzinde aıtylyp qalmaı, shalǵaıdaǵy aýylda qalaı júzege asyp jatqandyǵyn da «Nur Otan» HDP Tóraǵasynyń birinshi orynbasary kórip, sol aýylda jumys istep júrgen jastarmen pikir almasty. Negizgi qajettilik jumys ornyn taýyp, jan tynyshtyǵyn kúıtteý emes, sol jumys arqyly árkim ózin ózi damytýynda. Sonda ǵana aýyl da, qala da, jalpy elimizde órkenıetti elder sanatyna qosylatyndyǵy jastarǵa basa aıtyldy.
Jalpy, Almaty oblysy boıynsha 2009-2012 jyldary baǵdarlama sheńberinde 2765 maman jumysqa tartylǵan. Qýanarlyǵy sol, basym bóligi sol aýyldarda tamyr jaıyp, ósip-ónýde. Sondaı ónegeli otbasynyń birine partııa Tóraǵasynyń birinshi orynbasary kirip te shyqty.
B.Baıbek Taldyqorǵan qalasynda «Kúnshýaq» balabaqshasyna atbasyn buryp, mektepke deıingi bilim berý máselesin talqylaǵanynyń máni men mańyzy erekshe boldy. Nebári 4-5 jastaǵy búldirshinder aǵylshyn tilinde taqpaqtardy múdirmeı aıtyp, ony muǵalimderimen suraq-jaýappen jalǵastyrǵany tánti etti. Úsh tilde saırap turǵan sol búldirshinderge súısinbeske áddi joq. Sóz reti kelgende aıta ketsek, B.Baıbek urymtal sátte ózi «Bolashaq» baǵdarlamasymen shetelde oqyp kelgendigin tilge tıek etip qana qoımaı, álemdik tájirıbege sáıkes myna isti bylaı jalǵasańyzdar utymdy bolatyn edi degendeı keńesin de irikpedi. Muny «Temirdi qyzǵan kezinde soq» degen qazaqy danalyqpen sabaqtastyrsaq, Elbasynyń sarabdal saıasatynyń nátıjesinde qol jetkizgen jetistikterimizdiń bir tarmaǵy aýyl balalarynyń da qajettiligin ótegeni emes pe?!
«Nur Otan» HDP Tóraǵasynyń birinshi orynbasary jumys saparyn oblystaǵy partııa belsendilerimen kezdesýmen túıindedi.
Nurbol ÁLDIBAEV,
«Egemen Qazaqstan».
Almaty oblysy.
