Medısına uıymdary men turǵyndar arasyndaǵy ekijaqty áńgimege arqaý bolǵan jumys barysynda áli de jetildiretin tustar bar. Ásirese, aýyldyq óńirdegi densaýlyq saqtaý mekemeleriniń qyzmet kórsetý deńgeıi men tehnıkalyq múmkindiginiń tómendigi saqtandyrý júıesi boıynsha qarjylandyrýǵa kedergi keltirýi múmkin eken. Qazir jergilikti ákimdik pen «Mindetti áleýmettik medısınalyq saqtandyrý» qory osy kemshilikti joıý úshin birlesip jumys isteýde. О́ńirlerde saqtandyrý júıesin uıymdastyrý boıynsha arnaıy shtab qurylǵan. Jaqynda Almaty oblysy ákiminiń orynbasary Aqan Ábdýálıvtiń tóraǵalyǵymen selektorlyq otyrys ótip, onda oblystaǵy jaǵdaı talqyǵa tústi.
- Mindetti áleýmettik medısınalyq saqtandyrý - halyqqa kórsetiletin medısınalyq kómektiń sapasy men qoljetimdiligin arttyrýǵa baǵyttalǵan. Qazirgi ýaqytta mindetti áleýmettik medısınalyq saqtandyrýdy engizýdi medısınalyq qaýymdastyq arasynda jáne jumys berýshiler men turǵyndarǵa keń kólemdi aqparattyq-túsindirý jumystary 2016 jyldan beri júrgizilip keledi. Osy ýaqyt aralyǵynda MÁMS júıesi týraly 1 107 300 turǵynmen 4070 kezdesý ótkizdi. Al medısınalyq mekemelerde mamandar 10250 ret saqtandyrý júıesi týraly keńes berdi,- dedi otyrysta oblystyq densaýlyq saqtaý basqarmasynyń basshysy Baýyrjan Ysqaq.
Sonymen qatar «Mindetti áleýmettik medısınalyq saqtandyrý qory» kommersııalyq emes aksıonerlik qoǵamy basqarma tóraǵasynyń orynbasary Erik Baıjúnisov «Mindetti áleýmettik medısınalyq saqtandyrýdyń júıesin engizýge qatysty týyndaǵan suraqtarǵa toqtalyp ótti.
Jalpy, mindetti áleýmettik medısınalyq saqtandyrý júıesi el boıynsha 2020 jyly tolyq qoldanysqa engiziledi. Al bıylǵy 1 qyrkúıekten bastap Qaraǵandy oblysynda pılottyq joba iske qosylmaq.
Almaty oblysy
