«Búgingi kúni ókinishke oraı, elimizde 128 úsh aýysymdy jáne 31 apatty jaǵdaıdaǵy mektep bar. Olar boıynsha jumystar jasalyp jatyr», dedi mınıstr.
Aıtýynsha, úsh aýysymdy mektepterdiń kóbeıýine týý kórsetkishiniń joǵarylaýy men aýyldardan qalaǵa kóship kelýshiler sanynyń artýy áser etýde.
О́z sózinde bul máseleni sheshý joldaryna da toqtalyp ótti.
«Birinshiden, bıýdjet tarapynan ary qaraı mektepterdi salý kerek. Ol boıynsha búgin memleket basshysy tapsyrma berdi. Ekinshiden, jekemenshik mektepter salý máselesi mańyzdy bolyp tur. Balabaqsha salý máselesinde de jekemenshik sektordy tartqan bolatynbyz. Sondyqtan jekemenshik áriptestiktiń arqasynda óte qysqa ýaqyttyń ishinde úlken qamtý jumysyn bitirdik», dedi A. Aımaǵambetov.
Sonymen qatar qazirdiń ózinde jan basyna qarjylandyrý metodıkasyn engizýdiń arqasynda 1 jyl ishinde 50 shaqty mektep iske qosylady dep kútilýde.
«Úshinshi másele - mektepterdiń apattylyǵyn boldyrmaý úshin jóndeý jumystaryn júrgizý. Kúrdeli jóndeý jumystaryn ýaqytynda júrgizetin bolsaq, apattyq jaǵdaıǵa jetkizbeımiz», dedi ol.
