Keshen 454 mln. teńgege memlekettik - jekemenshik áriptestik sheńberinde aýdan ákimdigi, oblystyq deneshynyqtyrý jáne sport basqarmasy men «TuranSportGrýp» JShS-niń úsh jaqty kelisimi aıasynda salynǵan. Sport kesheninde boks, dzıýdo, ústel tennısi, basketbol, erkin kúres jáne basqa da sport túrlerimen aınalysýǵa múmkindik jasalǵan. Sondaı-aq, kıim aýystyratyn, dýsh qabyldaıtyn jáne bapkerler men medbıkelerge arnalǵan bólmelermen jabdyqtalǵan. Aıta ketelik, búgingi tańda Túlkibas aýdanynda 4 memlekettik sport mektebi jáne bir sport klýby halyqqa qyzmet kórsetedi. Munda sporttyń 16 túrinen úsh myńǵa jýyq jas sportpen shuǵyldanýda.
Keshenniń ashylý saltanatynda sóz alǵan aýdan ákimi N.Turashbekov jınalǵan qaýymdy sport kúni merekesimen jáne kent turǵyndaryn jańa ǵımarattarymen quttyqtap, sport salasyn damytý maqsatynda atqarylyp jatqan jumystarǵa toqtalyp ótti. Saltanatty jıynǵa arnaıy kelgen Dúnıejúzi qazaqtary qaýymdastyǵy tóraǵasynyń birinshi orynbasary Zaýytbek Turysbekov, Túrkistan oblysy deneshynyqtyrý jáne sport basqarmasynyń basshysy Polat Qyryqbaev, QR eńbek sińirgen jattyqtyrýshy Mahambet Saparbaev quttyqtaý sóz sóılep, ystyq lebizderin bildirdi. Sondaı-aq sport kesheniniń ashylý saltanatyna oraı bokstan oblys birinshiligi ótip, jeńimpazdar marapattaldy.
Túrkistan oblysy
