Halyq qalaýlylary Memlekettik baǵdarlama boıynsha turǵyzylyp jatqan záýlim úılerdiń qurylysymen tanysty. 332 páter «7-20-25» baǵdarlamasy aıasynda kúzde paıdalanýǵa berilmek. Qurylysshylardyń aıtýlarynsha qarjylandyrý máselesinde eshqandaı problema joq. Alaıda, bolashaq baspana turǵyndaryn kólik turaqtarynyń jetispeýshiligi alańdatady. Senatorlar «Dostyq Moll»-dyń qurylysymen de tanysty. Alyp saýda jáne oıyn-saýyq ortalyǵy jyl aıaǵyna deıin iske qosylady.
«Qalanyń qaq ortasynda ornalasqan bul nysannyń qurylysy túrli sebepterge baılanysty uzaqqa sozylyp ketkenin jaqsy bilemiz. Qaltaly ınvestordyń arqasynda mynadaı jańa ǵımarattyń qurylysy qaıtadan jandana túsken.. Mundaı keshen kórshi óńirlerde joq», dedi Erik Sultanov.
Nord River JShS dırektory Muhtar Igibaev ortalyqta sýpermarket, kıim dúkenderi, kınoteatr men ózge de demalys oryndary oryndary ornalasatynyn jetkizdi.
Depýtattar «Bereke» shaǵyn aýdany turǵyndarynyń ótinishine oraı bul aýmaqta boı kóterip, jańa oqý jyly qarsańynda esigin aıqara ashatyn mektep qurylysymen tanysty. Solnechnyı 2 kentinde turǵyzylǵan 212 jer úı ıelerin kútip tur. Baý-baqsha ósirgisi keletinder úshin 10 sotyq jer daıyn. Sý qubyrlary tartylǵan. Baspananyń ár sharshy metri 120 myń teńgeniń mólsherinde. Kelesi jyly asfalt jol salynbaq. Azyq-túlik dúkeni men shashtaraz ashý belgilengen
Radýga kompanııasy suıyq sabyn óndirisin jolǵa qoıyp, alǵashqy partııasyn tutynýshylarǵa jóneltipti. Senatorlar elimizde suranysqa ıe ónimder shyǵaratyn kásiporyndarǵa memleket tarapynan úlken qoldaý jasalatynyn jetkizdi. Byltyr salynǵan kókónis qoımasynda turaqtandyrý qorynyń azyq-túlik túrleri saqtalady.
Soltústik Qazaqstan oblysy
